E fundit!

19:13 Aktualitet

Jorida Tabakun e merr malli për Erion Veliajn

Deputetja e Partisë Demokratike, Jorida Tabaku duket se e ...

Dhuna ndaj mjekëve/ KSSH: Prania e Policisë në spitale është domosdoshmëri

12 Mars 2019, 09:09, Aktualitet CNA

Konfederata e Sindikatave të Shqipërisë ka reaguar në lidhje me dhunën ndaj bluzave të bardha.

Në një deklaratë për mediat, KSSH shprehet se dhuna në spital ndaj bluzave te bardha është kthyer në një problem shqetësues, teksa në 2 javë janë shënuar 5 raste të dhunës ndaj mjekëve në ambientet e spitalit.

?Prania e Policisë së Shtetit në spitale është kthyer në një domosdoshmëri dhe kjo do ti jepte edhe fund korrupsionit me tenderat për kompaninë private të sigurimet, pasi tenderat janë paracaktuar.
Punonjësit e sigurisë të kompanive private nuk plotësojnë kriteret, të parin atë të moshës, pasi nuk lejohet të punojnë në këtë sektor njerëz mbi 50 vjeç ndërsa sot shumica e rojeve private në spitale janë pensionist.?-thuhet në deklaratë.

Më tej, KSSH thekson se siguria e mjekëve dhe punonjësve të tjerë të spitalit është në duar të disa pensionistëve, ndërsa agresorët janë të shumtë, duke nisur nga pacientë deri tek të afërmit e tyre, që refuzojnë të respektojnë orarin e vizitave.

Gjithashtu KSSH rikthen në vëmendje edhe largimin e mjekëve dhe infermierëve drejt Gjermanisë.

?Bluzat e bardha prej vitesh kanë marrë arratinë për shkak të pagave të ulëta, dhe benefiteve që ofrojnë vende si Gjermania, ndaj ne si KSSH kemi propozuar që pagat e mjekëve të shkojnë deri në 200 mijë lekë të reja dhe të infermierëve deri 150 mijë lekë të reja.
Dhuna ndaj bluzave të bardha është e papranueshme, pasi misioni i tyre është i shenjtë, ata shpëtojnë jetë.
Mediat ti japin hapësirën e duhur protestave të mjekëve pasi ato janë shumë me të rëndësishme dhe protestat për karrige të politikanëve tanë.?-thekson KSSH.

Po ashtu KSSH shprehet se ?Do të mjaftojë një ditë bojkot nga bluzat e bardha të kuptojmë vlerën e paçmuar të këtyre djemve e vajzave të cilët ne u besojmë jetën tonë në ditët më të vështira.
Ministrja e Shëndetësisë, Ogerta Manastirliu, duhet të thërrasë në një takim Ministrin e Brendshëm, një përfaqësi mjekësh dhe sindikatën për të hartuar një plan punë për sigurinë në spitale.
Veç respektit pagës dinjitoze shteti ka detyrë të ofrojë sigurinë maksimale për bluzat e bardha.
Konfederata e Sindikatave solidarizohet me protestën e mjekëve dhe i kërkon autoriteteve të japin ndëshkimin maksimal për këdo që ushtron dhunë ndaj bluzave të bardha.?.