E fundit!

19:17 Politikë

Nga Sekretari i Përgjithshëm te nënkryetarët/ Lista e kandidatëve për ekipin drejtues të PD-së

Në mbledhjen e Këshillit Kombëtar të PD-së, kryedemokrati ...

Furtunë në Portin e Durrësit/ Ndëshkohen 28 doganierë dhe pesë specialistë

6 Mars 2019, 14:03, Aktualitet CNA

Në cilësinë e koordinatorës së Task-Forcës Antikorrupsion, Ministrja e Drejtësisë, Etilda Gjonaj ka folur sot në procedimet penale që kanë filluar nga policia e shtetit në Portin e Durrësit.

?Task Forca Antikorrupsion këtë javë ushtroi kontroll në Degën Doganore Durrës, ku verifikoi respektimin e kërkesave ligjore në sektorin e operacioneve doganore në Portin e Durrësit, monitorimin e procedurave të magazinimit të përkohshëm, të terminalit të trageteve dhe të anijeve,bazuar kjo në legjislacionin doganor në fuqi, dhe kontratat e lidhura në përfundim të procedurave të prokurimit. Në përfundim të kontrollit task forca evidentoi keto shkelje:

*Praktika zhdoganimi që nuk administrojnë procesverbalin e kontrollit fizik, të formularit të rivlerësimit doganor,

*Mosrespektimin e parashikimeve ligjore si dhe të manualit ?mbi procedurat standarde të punës për kontrollin fizik bazuar në risk të ngarkesave dhe mjeteve të transportit?.

Gjithashtu u evidentua se në disa praktika mungojnë të dhënat mbi numrin e imazhit të skanimit dhe rezultatet e skanimit.

Si dhe mos respektim të procedurave dhe kërkesave të parashikuara në legjislacionin në fuqi, në fushën e vjeljes së detyrimeve doganore të akcizës dhe rikuperimin me forcë të borxhit doganor.?-tha Gjonaj në një deklaratë për mediat.

Më tej, ministrja Gjonaj njoftoi se janë dhënë masa disiplinore për 28 doganierë dhe pesë specialistë.

?Në përfundim të kontrollit janë rekomanduar 28 masa disiplinore.

Gjithashtu ajo tha se janë evidentuar 17 vepra penale për shpërdorime të detyrës për të cilat janë vënë nën hetim 29 persona.

Ajo i bëri thirrje nëpunësve të këtij sektori të kryejnë me përgjegjshmëri punën e tyre.

?nga strukturat që luftojnë korrupsionin në Policinë e Shtetit, gjatë javës që lamë pas, janë evidentuar 17 vepra penale në fushën e korrupsionit, dhe shpërdorimit të detyrës, ku 29 persona janë preceduar penalisht.

Për të gjitha rastet e evidentuara, nga strukturat për hetimin e korrupsionit dhe Drejtoria Qëndrore e Hetimit, janë kryer veprimet hetimore dhe rastet janë referuar në Prokurori, për veprat penale, korrupsion pasiv i personave që ushtrojnë funksione publike dhe shpërdorimi i detyrës.

E përsëris, vizioni jonë është zero tolerancë ndaj paaftësisë dhe korrupsionit, vëmendje dhe përkushtim për të forcuar administradën shtetërore si dhe për të rritur cilësinë e shërbimeve ndaj qytetarëve, në një aleancë të fortë me qytetarët.

Puna e Task Forcës do të vijojë gjithnjë e më intensive duke i shkuar deri në fund çdo denoncimi apo çdo indicie që do të kemi për akte korruptive në zyrat e shtetit.?-përfundoi fjalën e saj ministrja Gjonaj./CNA.al