E fundit!

19:02 Aktualitet

"Na e kaluan njëherë topin për shalësh"/ Rama nuk tërhiqet për investimin në Zvërnec

Kryeministri Edi Rama ndodhet në Malin e Zi, ku ka ndarë p...

Seancë parlamentare dhe protestë/ Çfarë pritet të ndodhë sot

5 Mars 2019, 07:38, Aktualitet CNA

Opozita e bashkuar ka paralajmëruar sot mbajtjen e protestës së radhës kundër qeverisë.

Ndërkohë që parlamenti pritet të mblidhet sot në një seancë plenare në orën 10:00, opozita njëkohësisht do të protestojë duke kërkuar dorëheqjen e kryeministrit Rama.

Nga ana tjetër, në seancën e sotme pritet të bëjnë betimin edhe katër deputetët e rinj të LSI-së, të cilët morën dje mandatin nga KQZ-ja.

Që prej 16 shkurtit kjo është protesta e katër e opozitës. E para pati konfrontime dhe tentativë për të hyrë në Kryeministri, ku u thyen xhamat e dyerve dhe u përdor masivisht gazi lotsjellës nga ana e policisë.

Protesta e dytë u zhvillua paqësore dhe kulmoi me dorëzimin e dorëheqjeve nga mandati në Kryesinë e Kuvendit.

Ndërsa protesta e tretë javën e kaluar, me 26 shkurt sërish pati situatë të tensionuar dhe u përdor gaz lotsjellës nga ana e forcave të rendit, për të cilin opozita pretendon se kishtë lëndë helmuese.

Një ditë më parë, ministri i Brendshëm Sandër Lleshaj ka thënë gjatë mbledhjes së grupit të PS se policia do të garantojë sigurinë e deputetëve gjatë seancës së sotme, ndërsa kryeministri Rama tha se nuk do të ketë përsëritje të skenave të një jave më parë.

Nisur nga e marta e kaluar më 26 shkurt, teksa disa deputetë u sulmuan nga protestuesit, socialistët i kanë kërkuar ministrisë së Brendshme mbrojtjen e tyre fizike.

Policia pritet që të angazhojë sot pothuajse të njëjtin numër punonjësish të rendit, Shqiponjat, FNSH si edhe Gardën e Republikës, por në ndryshim nga herët e tjera po sheh mundësinë që për të rritur sigurinë e deputetëve dhe parlamentit, të krijojë një kordon me skela përgjatë oborrit.

Policia ka informacion se një pjesë e protestuesve kanë marrë masat për t?u mbrojtur nga gazi lotsjellës. Në rast se kjo formë nuk do të funksionojë për të shpërndarë turmën atëherë në veprim do të hyjnë autobotet të cilët mund të hedhin ujë me presion deri në 100 metra.

Sipas protokollit, autobotet do të përdorin ujë me ngjyrues për të bërë të mundur identifikimin e protestuesve te dhunshem që tentojnë të cenojnë institucionin. Në vende të caktuara në sheshin para Parlamentit, janë vendosur edhe kamera me rezolucion të lartë për të regjistruar e më pas evidentuar çdo person që do të tentojë sulmin ndaj institucionit të Parlamentit./CNA.al