web counter
LEXO PA REKLAMA!

SHKARKO APP

App Store
Google Play

E fundit!

x

Vendimi për djegien e mandateve/ Basha: Opozita ishte kthyer në fasadë

4 Mars 2019, 20:37, Aktualitet CNA

I ftuar në emisionin “360Gradë” kryetari i Partisë Demokratike, Lulzim Basha tha se kishte gati 2 vjet që flisnin për djegien e mandateve dhe nuk ishte një vendim i lehtë.

Basha tha gjithashtu se opozita ishte kthyer në një fasadë dhe ishte e nevojshme të zgjidhnin këtë rrugë.

?Si protesta e të shtunës edhe protestat që vijuan, nuk janë një talent i opozitës por shprehje se ku gjendet vendi. Kjo qeveri ka arritur në atë pikë sa që shkatërron pa ligj shtëpitë e qindra familjeve vetëm për të vjedhur 40 milion euro. Kjo qeveri u ekspozua në media se bashkëpunon me krimin e organizuar për të blerë votat.

Vendimi ku kemi arritur është një vendim i vështirë, nuk është aspak i lehtë. Thirrja për të djegur mandatet po mbush tashmë thuajse 2 vjet. Ne jemi përpjekur për të zgjidhur problemet, korrupsionin, aferat, dhe ne kemi propozuar amendamente, veting. Ne jemi sot në një sistem ku një njeri ka kapur të gjithë pushtetin.

Opozita me të drejtë ishte kthyer në fasadë. Prap së prap edhe ajo hapësirë që ekzistonte ishte kufizuar. Dhe qytetarët pyesnin, ore a jeni fasadë? Në zgjodhëm t?ia kthejmë prap popullit vendimmarjen?, -tha Basha. /CNA.al





Lajmet e fundit nga