web counter
LEXO PA REKLAMA!

SHKARKO APP

App Store
Google Play

Boçi: Nesër protestojmë dhe për dinjitetin e nëpërkëmbur të policisë

4 Mars 2019, 19:12, Aktualitet CNA

Ish-deputeti i Partisë Demokratike, Luçiano Boçi në një postim në rrjetet sociale tha se policia i ngjan më shumë një trupe paramilitare, pa moral dhe në shërbim të kapos.

Më tej Bocci shprehu keqardhje për policinë pasi po përdor metoda të papranueshme drejt qytetarëve të vendit, ndërkohë që nesër përvecc keqqeverisjes do të protestohet edhe për dinjitetin e humbur të policëve.

Postimi i plotë:

MILITARIZIMI I POLICISË DHE SHTETI I RRETHUAR

Stina e protestave dhe ardhja e një ushtaraku në drejtimin e Ministrisë së brendshme, ka deformuar thelbësisht funksionin dhe sjelljen e policisë.

Ajo ka humbur edhe atë pak ?rybe? të mbetur pas implikimit të saj në mbjelljen, korrjen e shitjen e hashashit.

Tashmë policia i ngjan më shumë një trupe paramilitare pa moral, në shërbim të kapos.

Ajo nuk është më policia e shtetit.

Ndërsa vetë shteti i rrethuar ngado, i ngjan një gazerme nga ku dalin të gjitha komandat.

Trupa paramilitare me uniformë shtetërore, ndërkohë po përdor njohuritë ushtarake të ministrit, për të luftuar ?armiqtë? qytetarë, me metodat e ish artit ushtarak popullor.

Lëndët helmuese luftarake (LHL) tani shoqërohen me tela me gjemba dhe nuk është çudi që pas kësaj të shohim dhe llogore.

Jo vetëm kaq.

Përdoren metodat e asgjësimit pjesë-pjesë, e goditjes drejtpërdrejtë të drejtuesve, e mësymjes së shpejtë, e kapjes në befasi, e dekurajimit me qendra zëri shurdhuese, e infiltrimit të maskuarve etj.

Keqardhje për policët, revoltë për drejtuesit.

Nesër protestojmë dhe për dinjitetin e nëpërkëmbur të policisë së shtetit.

Kur policia sillet si ushtri, fundi është i sigurt!!!  /CNA.al





Lajmet e fundit nga