Zvarritet seanca për "Sheshin"/ Injorohet Komisioni për Zbatimin e Reformës në Drejtësi

3 Mars 2019, 13:56, Aktualitet CNA

Në Këshillin e Lartë të Prokurorisë bëj pjesë dhe një bashkëpunëtor i ish-Sigurimit të Shtetit.

Konfirmimi ka ardhur nga Autoriteti i dosjeve. Mirëpo, kur ka kaluar më shumë se një muaj nga shpërthimi i këtij skandali, Sheshi vijon të qëndrojë ende në KLP.

Kujtojmë se vetëm tre ditë pas konfirmit nga Autoriteti i Dosjeve se prokurori Sheshi, ka qenë pjesë e ish-Sigurimit të Shtetit, Komisioni i Pavarur për Koordinimin, Monitorimin dhe ndjekjen e zbatimit të ligjit për ?Organet e Qeverisjes së sistemit të drejtësisë? ka kërkuar seancë dëgjimore me Autoritetin e Dosjeve për rastin e prokurorit Bujar Sheshi.

Komisioni ka miratuar me 5 vota pro dhe asnjë kundër raportin për masat e nevojshme dhe disa rekomandime në lidhje me situatën e krijuar pas vendimit nr.12 datë 22.01.2019 të Autoritetit për Informim mbi dokumentet e ish-Sigurimit të Shtetit.

Komisioni i kryesuar nga Artan Spahiu dhe anëtar Petrit Kaloçi, Saimir Vishaj, Irena Nino dhe Lindita Rusmajli vendosën t?i kërkojnë shpjegime Autoritetit të Dosjeve për vonesat në shqyrtim dhe informim të rastit të prokurorit Bujar Sheshi, i cili akuzohet se ka qenë bashkëpunëtor i ish-Sigurimit të Shtetit me pseudonimin ?Venusi?, si dhe një raport të plotë për afatet e shqyrtimit dhe të kthimit të përgjigjeve të marra nga Autoriteti për verifikimin e kandidaturave për KLP-në.

Kjo pasi Prokuroria ka përcjellë tek Autoriteti, formularin për verifikimin e Sheshit si kandidat për anëtar në KLP që në datë 26 tetor 2018, ndërsa përgjigjia nga Autoriteti i ka ardhur tre muaj më vonë, më 23 janar 2019.

Në raport theksohet më tej, se mbledhja e Përgjithshme e Prokurorëve zgjodhi Sheshin anëtar të Këshillit të Lartë të Prokurorisë në datë 11 dhjetor 2018, mbi një muaj përpara marrjes së Informacionit nga Autoriteti i Dosjeve

Gjithashtu Komisioni i kërkoi gjithashtu KLP-së mbledhjen e menjëhershme për shqyrtimin e rastit të prokurorit Sheshi.

Por për KLP dhe Gent Ibrahimin, duket se nuk ka ndodhur asgjë, derisa kanë injoruar rekomandimin dhe kërkesën e e Komisionit./CNA.al

Raporti i Komisionit te Pavarur i Koordinimin, Monitorimin dhe ndjekejen e zbatimit te Ligjit 115 2016