E fundit!

15:32 Politikë

Nesër mbahen zgjedhjet në Këshillin Kombëtar të PD-së/ Ja çfarë pritet nga gara

Këtë të mërkurë, Partia Demokratike do të mbledhë Këshilli...

Tirana pa hapësira publike/ Arkitektët e huaj: Duhet investuar në periferi

2 Mars 2019, 19:40, Aktualitet CNA

Dy arkitektët e huaj të cilët kishin ardhur në Tiranë për herë të parë, arkitekti holandez dhe ai rumun e kanë parë kryeqytetin shqiptar si shumë të ngarkuar me ndërtime.

Të ftuar në një konferencë ndërkombëtare Arkitektët Patrick Meijers dhe Serban Tiganas konstatuan se kryeqyteti nuk ka hapësira publike. Ata theksuan se urbanistika është më e rëndësishme se arkitektura. Përsa i përket planit për prishjen e Teatrit kombëtar, ata thanë se është impresionuese lidhja emocionale me një godinë.

Sipas tyre Tirana është një vend ku mungojnë hapësirat publike.

Në një intervistë për Ora News, arkitekti hollandez Patrick Meijers tha se Tirana është një qytet i miksuar mes ngjyrave dhe të vjetrës, ndërsa theksoi se problematikë është urbanistika dhe hapësirat publike.

?Tirana është një qytet shumëngjyrësh dhe i vjetër, çka e bën të veçantë, por edhe të rrezikshme nëse do të ndërtosh një qytet me identitet të qartë. Mendoj se më e rëndësishme se arkitektura është urbanistika, pasi vë re mungesë të hapësirave publike, ose të mënyrës sesi mund të lidhet qendra e qytetit me pjesët e tjera periferike. Qytetarët nuk duhet të vijnë në qendër të qytetit ndaj duhet investuar në zonat jashtë qytetit?,-tha Meijers.

Ndërsa arkitekti rumun Serban Tiganas u shpreh i impresionuar nga relievi malor që rrethon Tiranën, por ishte shumë dakort me kolegun në lidhje me mungesën e hapësirave publike.

?Ajo që më ka lënë shumë mbresa nga Tirana është relieve fantastik. Nga të gjitha anët ti mund të shohësh këto male të mrekullueshme. Ndërsa në lidhje me qytetin do të thoja se duhet më shumë koherencë në mënyrën sesi ndërtohet, për të respektuar dhe hapësirat publike,- u shpreh Tiganas.

Të dy arkitektët ishin të impresionuar në lidhje me lidhjen emocionale të njerëzve me godinën e Teatrit Kombëtar, duke konstatuar se në këtë mënyrë nuk do të shuhet kurrë. / CNA.al