Skandal në Ministrinë e Drejtësisë/ A ka lobim korruptiv me tarifat përmbarimore?

20 Shkurt 2019, 16:45, Aktualitet CNA

Që Shqipëria dhe sistemi juridik dhe legjislativ në Shqipëri ka një mijë e një defekte, kjo nuk ka më as dyshim e as nevojë për prova të mëtejshme. Por që një institucion si Ministria e Drejtësisë të mos njohë dhe të mos zbatojë vendimet e sistemit gjyqsor, kjo është sa e pafalshme aq edhe e patolerueshme.

Meseleja në këtë rast fillon me një udhëzim të unifikuar mes Ministrisë së Drejtësisë dhe asaj të Financave dhe Ekonomisë për ndryshimin e tarifave përmbarimore. Më saktë, Udhëzimi Nr. 30, datë 30 Gusht 2018, , ?Per disa ndryshime ne udhezimin e perbashket nr. 385/7, datë 28.06.2017 ?Per caktimin e tarifave per sherbimet e ofruara nga sherbimi permbarimor gjyqesor privat?.

Reaksioni pasues, me të drejtën dhe tagrat që jep ligji shqiptar, është kundërshtimi i këtij udhëzimi nga Dhoma Kombetare e Permbaruesve Gjyqesore Private, të cilët ndërmarrin kërkesën për ankimim të këtij udhëzimi pranë Gjykatës Administrative të Apelit.

Pas fillimit të shqyrtimit të padisë nga Dhoma e Përmbaruesve Gjyqësore Privatë, Gjykata Administrative e Apelit në datë 17 dhjetor 2018, del me vendim rrëzimin e padisë dhe lënien në fuqi të udhëzimit të përbashkët ndërministror.

E pavarësisht edhe nga kjo, Dhoma e Përmbaruesve Gjyqësore Privatë del me një direktivë me referenca të një udhëzimi të shfuqizuar, duke mos njohur vendimin e Gjykatës Administrative të Apelit. Në reagim me këtë, Shoqata Shqiptare e Bankave, i drejtohet Ministrisë së Drejtësisë për tejkalim kompetencash nga Dhoma e Përmbaruesve Gjyqësore Privatë.

Çuditërisht dhe në inkompetencë të plotë, Ministria e Drejtësisë bën totalisht mënjanë duke lënë jetim udhëzimin e vet të pazbatueshëm.

Pyetjet që ngrihen me të drejtë nga bankat, klientët dhe qytetarët e thjeshtë dhe tatimpaguesit që mbajnë shtetin me taksat e tyre janë shumë të thjeshta:

Molier thotë: ?Jemi përgjegjës njëlloj si për veprimet, ashtu edhe për mosveprimet tona.?

Ku e sheh veten zonja Ministre në rolin dhe përgjegjësitë që ka për institucionin dhe këtë mesele? Në mos (ruajna Zot!) tek aferat korruptive, tek veprimet, mosveprimet, apo inkompetenca insitucionale?

Kësaj pyetjeje mund t?i përgjigjet vetëm zonja Ministre, të cilën presim për interesin publik të të gjithë qytetarëve shqiptarë për ta parë dhe dëgjuar. E mirëpresim!