web counter
LEXO PA REKLAMA!

SHKARKO APP

App Store
Google Play

E fundit!

x

Neritan Ceka kundër djegies së mandateve/ Opozita e ka vendin në Kuvend

20 Shkurt 2019, 15:43, Aktualitet CNA

Ish politikani Neritan Ceka ka komentuar vendimin e marrë nga opozita për djegien e mandateve.

Sipas Cekës, opozita e ka vendin në Kuvend dhe të përgatitet për zgjedhjet nën monitorimin e BE-së.

?E kam të vështirë ta them nga pozitat që kam, por nga përvoja politike mendoj që një parti e ka vendin në Parlament dhe në një vend demokratik, nën monitorimin e BE-së, nuk ka zgjidhje tjetër veçse Parlamentit dhe përgatitjeve për zgjedhjet. Jam i bindur që një parti e fortë, me një traditë gati 30-vjeçare duhet të përgatitet për zgjedhje dhe të bindë njerëzit për zgjedhje, ose të thotë që me këtë popull nuk bëhet demokraci, ky popull që s?ka respekt për votën?,deklaroi Ceka i ftuar në Top Talk në TCH.

Më tej Ceka ka reaguar forcave politke në vend të cilat sipas tij nuk janë të interesuara të ndryshojnë sistemin.

?Pra, ose e ka fajin populli që nuk do votë të lirë, ose e ka fajin partia, pikërisht se këta zotërinj, bashkë me ata të Partisë Socialiste e kanë katandisur këtë vend, në të vetmin që qeveriset nga OSBE-ja në kuptimin e votës së lirë. Sa të jetë OSBE-ja në Shqipëri s?ka për të pasur ndonjëherë votë të lirë. Sistemin e vendos OSBE-ja dhe, ky vend demokratik bëhet vetëm kur ajo të thotë që votën ta numërojnë ata që votojnë dhe jo ata që votohen. Duhet që KQZ-ja të krijojë një administratë që të përjashtojë partitë nga numërimi i votave, por OSBE-ja nuk është e interesuar për këtë sepse do të humbiste edhe zyrat, edhe rrogat, edhe makinat. Por veç saj, edhe këto dy parti nuk janë të interesuara të ndryshojnë sistemin, sepse humbin pushtetin. Kanë krijuar një sistem që edhe pas 200 vitesh do t?i mbajë këta në pushtet?,-tha ndër të tjera Ceka./CNA.al





Lajmet e fundit nga