E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Ish-ministrat e LSI -së në panik/ Manjanit dhe Vasilit iu "dridhet" toka nën këmbë

20 Shkurt 2019, 14:39, Aktualitet CNA

Prokuroria e Tiranës duket se e ka seriozisht hetimin për çështjen e tenderit të byzlykëve.

Themi se e ka seriozisht, pasi nisur nga eksperienca në çështje të viteve të kaluara, ku janë përfshirë politikanë hetimet janë mbyllur si me magji.

Që do të thotë është bërë korrupsion, janë shpërdoruar miliona e miliarda lekë, është abuzuar me detyrën zyrtare dhe askush nuk është dënuar.

Një ditë më parë Prokuroria ka marrë pyetje, ish-ministrin e Drejtësisë në Qeverinë ?Rama 1?, Ylli Manjani në lidhje me skandalin e tenderit të byzlykëve.

Gjithashtu Prokuroria ka kërkuar të marrë në pyetje edhe ish ministrin tjetër të LSI-ë, Petrit Vasili. Por, ky i fundit ka refuzuar të shkojë në Prokurori.

Ndërsa Vasili është fshehur, Manjani ka mbyllur gojën në Prokurori, duke u justifikuar se nuk ka detyrë publike dhe në këto rrethana s’ka pse të jap shpjegime.

Gjithsesi nuk është e lehtë të përballesh me prangat.

Përgjatë dy viteve, 2016-2017, prokuroria ka zbuluar abuzime dhe shkelje me 5 tendera te Ministria e Drejtësisë duke shkaktuar një dëm të llogaritur në miliona euro.

Manjani ka udhëhequr Ministrinë e Drejtësisë në kohën që u dha tenderi i byzylykëve, në vitin 2016, ndërsa Vasili e ka marrë detyrën në Janar të vitit 2017.

Në muajt mars dhe prill të vitit 2017, dyshohet se ka Vasili ka pasur dijeni për skandalin, por ka heshtur.

Nuk ka qenë rastësi që tenderi i byzlykëve dhe u shndërrua në skandal dhe prokuroria mbylli sytë para këtij abuzimi miliona eurosh.

Por, ishte Ministrja e Drejtësisë Etilda Gjonaj që i ridërgoi faktet dhe njëherë në prokurori dhe alarmoi opinionin publik për skandalin.

Kujtojmë se Ministria e Drejtësisë lidhi marrëveshje për byzlykët me shoqërinë Soft & Solutions të Ermal Beqirit.

Pas, skandalit të 300 byzylykëve elektronikë, të destinuar për të burgosurit, blerë për 2 milionë euro nga Ministria e Drejtësisë në mars të vitit 2017, dyshohet se fshihen ish-ministra të LSI-së dhe ish-Drejtori i Hipotekës, apo eksperti i videos Meta-Prifti, Ermal Beqiri. Këto informacione kanë dalë nga Prokuroria.

Po, kush është Ermal Beqiri, i preferuari ish-ministrave të LSI-së që fitoi dhe tenderin e byzylykëve?.

Beqiri ishte një ndër tre ekspertët, të cilët, në vitin 2011, zhvelerësuan akuzat ndaj Ilir Metës për korrupsion, duke treguar se video-përgjimi i bërë nga Dritan Prifti, ishte manipuluar./CNA.al

Skandali i byzylykëve/ Manjani mbyll gojën në Prokurori

Skandali me tenderat/ Vasili refuzon thirrjen e prokurorisë

Abuzimi me tenderat/ Ylli Manjani pyetet në Prokurori