web counter
LEXO PA REKLAMA!

SHKARKO APP

App Store
Google Play

E fundit!

x

Policia “blindon” Kuvendin/ Garda porosi gazetarëve

20 Shkurt 2019, 13:37, Aktualitet CNA

Policia e Shtetit ka hartuar një plan masash për mbarëvajtjen e protestës së paralajmëruar të opozitës, e cila pritet të nisë nesër rreth orës 10:00 para Parlamentit.

Ndërkohë mësohet se më shumë se 1 mijë forca policie do të jenë para Parlamentit ditën e nesërme, gjatë protestës së opozitës. Në gatishmëri do të jenë edhe Forcat Speciale, FNSH dhe forcat e rendit nga 6 komisariatet e Tiranës. Policia do ta mbajë të rrethuar Parlamentin, për të mos lejuar protestuesit që të çajnë kordonin.

Shpërndarja e uniformave blu pritet të jetë e ngjashme me protestën e së shtunës. Përballë protestuesve me një kordon që do të jetë përgjatë gjithë rrethimit të Parlamentit do të jenë punonjësit e rendit dhe ata Shqiponja, ndërsa forcat e FNSH do të jenë në gatishmëri në bulevardin ?Zhan Dark? dhe brenda rrethimit të xhamisë së Namazgjasë.

Në gatishmëri pranë godinës së Parlamentit do të jenë edhe Garda e Republikës, e cila në rast se nga ana e protestuesve do të ketë tentativa për të hyrë në Parlament dhe për të bërë akte dhune do të përdorë gaz lotsjellës. Për këtë arsye nesër do të ketë kontroll të rreptë për këdo që do të futet në ambientet e brendshme të Parlamëntit.

Të gjithë duhet të jenë të pajisur me mjete identifikimi. Që të mos shkaktohen probleme nga gazi, Garda ka kërkuar që gazetarët dhe punonjësit të marrin masa për tu ruajtur nga gazi.
Në gatishmëri pranë ambienteve të Parlamentit do të jenë dhe zjarrfikëset dhe ambulancat. Kufizime për qarkullimin rrugor do të ketë tek ?Xhorxh Bush? dhe pjesërisht në bulevardin ?Zhan Dark?. Autobusët si herën e parë s?do lejohen në qytet. Të ardhurit nga Veriu do ndalohen tek ?Asllan Rusi?, kurse të ardhurit nga Jugut tek Ekonomiku.





Lajmet e fundit nga