E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Pakti për Universitetin/ MFE dhe FE marrëveshje bashkëpunimi për punësim

20 Shkurt 2019, 15:48, Aktualitet CNA

Ministria e Financave dhe Ekonomisë nënshkroi marrëveshjen e bashkëpunimit me Fakultetin Ekonomik në kuadër të Paktit për Universitetin.

MFE ofron 266 pozicione praktikash përfshirë institucionet e varësisë. Gjithashtu, janë hapur 203 pozicione vakante, ndërsa 44 pozicione janë të shpallura vakante jashtë shërbimit civil.

Gjatë ceremonisë së nënshkrimit të marrëveshjes, Ministrja e Financave dhe Ekonomisë, Anila Denaj, theksoi mënyrën për të realizuar një përshtatshmëri më të mirë me tregun e punës, përpara se ata të dalin dhe ta kërkojnë veten në tregun e punës.

?Realizuam marrëveshjen me Fakultetin Ekonomik në Universitetin e Tiranës, në mënyrë që brenda Paktit për Universitetin të realizojmë fillimin e ndërmjetësimit për studentët e ekselencës për t?u punësuar në vendet vakante që ka Ministria e Financave dhe Ekonomisë, që janë diku te 206 vende vakante, sikurse praktikat të cilat shkojnë gati në 266 mundësi për praktikantët, për çdo vit tek ne, në mënyrë që të realizojmë një përshtatshmëri më të mirë me tregun e punës përpara se ata të dalin dhe ta kërkojnë veten në tregun e punës?, u shpreh Ministrja Denaj.

Ndërsa Dekani i Fakultetit Ekonomik, Dhori Kule, vlerësoi se kjo është një hapësirë e jashtëzakonshme për studentët e Fakultetit Ekonomik, të cilët janë më të mirë në tregun e ekonomisë në Shqipëri, që do të gjejnë hapësira praktike stazhi dhe punësimi në strukturat që mbulon Ministria e Financave dhe Ekonomisë.

Kërkimi Shkencor zë gjithashtu një vemendje të veçantë për Ministrinë e Financave dhe Ekonomisë, ndaj dhe do të mbështetet universiteti që nëpërmjet tërheqjes së granteve nga donatorët, aplikimit përmes fondeve ndërkombëtare dhe bashkëpunimit me sektorin privat të mund të ofrojë konsulencën e tij cilësore në një sërë sektorësh jetik për vendin.

Për të gjitha ka nisur puna për ngritjen e zyrës së bashkëpunimit brenda MFE, si një platformë e qëndrueshme komunikimi me studentët dhe pedagogët e këtij fakulteti.