Tentativa për bllokimin e KQZ-së/ Basha del blof

18 Shkurt 2019, 13:49, Aktualitet CNA

Gjatë ditëve të fundit, ka pasur informacione se pas djegjes së mandateve, Partia Demokratike do të shkojë edhe në tërheqjen e përfaqësuesve të saj në institucionet e tjera, përfshirë këtu edhe Komisionin Qendror të Zgjedhjeve.

Në fakt, PD mendon se mund të bllokojë KQZ-në me djegien e mandateve, me bllokimin e procedurës e teknikalitete të tjera ligjore apo kushtetuese, por duket se është gjetur përballë një fakti, i cili duket se po e frenon dhe është pa zgjidhje.

Burime zyrtare pranë KQZ-së, bëjnë të ditur për CNA.al se Partia Demokratike, edhe në rast se mund t?i tërheqë anëtarët e saj, në bazë të ligjit aktual, ata zëvëndësohen brenda 24 orëve.

?Pra, tërheqja e tyre edhe pse PD mund t?i ketë djegur mandatet, me mandatet që ka mazhoranca, e cila shkon në 77, mund ti zëvëndësonte brenda 48 orëve anëtarët e KQZ-së.?-thanë burime zyrtare.

Së dyti, po sipas burimeve zyrtare nga KQZ, CNA.al ka mësuar se ?edhe në rastin se mund të tërhiqte përfaqësuesit e saj dhe të ngeleshin vetëm katër anëtarë, sërish deputetët e radhës në listën e Lulzim Bashës mund të zëvëndësohen, sepse me pesë vota sipas ligjit zgjedhor është dhënia e mandatit, kurse dorëzimi i tij është me katër vota dhe miratimi i listës së deputetëve dhe dhënia e mandateve të Partisë Demokratike është bërë me 7 vota.?

Pra, çka do të thotë se lista mund të vazhdojë dhe mund të bëhet zëvëndësimi i deputetëve me thjeshtë katër vota nga ana e KQZ-së.

Kjo është të paktën proçedura zyrtare dhe ligjore. Që do të thotë se Lulzim Basha e ka të pamundur, dhe ai e di shumë mirë këtë, të bëjë bllokim të KQZ-së apo dhe të institucioneve të tjera për të çuar në ?kolendrat greke? djegien e mandateve, ashtu sikundër po veprojnë me faktin se nuk po merr dorëheqjet e deputetëve në mënyrë të menjëhershme, por e ka shtyrë këtë me një komision teknikësh.

Gjithçka duket, ashtu siç kemi thënë edhe në materiale të tjera, thjeshtë dhe vetëm një lojë për të fituar kohë dhe një kërcënim final i Lulzim Bashës për të shkuar në një tjetër marrëveshje me Edi Ramën./ CNA.al

Loja e Lulzim Bashës, gjoja me djegien e mandateve

Shënim/ Pse Basha nuk e djeg mandatin e tij

Shënim/ Djegia e mandateve si mashtrim i Bashës për pazar me Ramën