web counter
LEXO PA REKLAMA!

SHKARKO APP

App Store
Google Play

Loja e Lulzim Bashës, gjoja me djegien e mandateve

18 Shkurt 2019, 13:38, Aktualitet CNA

Partia Demokratike, nëpërmjet kryetarit Lulzim Basha, pas debateve në grupin parlamentar ka njoftuar djegien e mandateve.

Në fakt, një djegie që më shumë duket një akt formal, sesa një akt politik. Kjo për shkak të lëvizjes që po bën Lulzim Basha dhe kohës që ai po kërkon të fitojë.

Sipas ligjit dhe Kodit Zgjedhor të Republikës së Shqipërisë, mandati, megjithëse jepet nga partia, ai është individual.

Pra, do të mjaftonte që deputetët të jepnin dorëheqjen sot në dy gisht letër dhe të njoftohej Kuvendi. Ky i fundit më pas të njoftonte KQZ-në dhe kështu deputetët e PD-së nuk do të kishin më mandate.

Më pas procedura ligjore, shkon tek njoftimi i deputetëve të rinj, të cilët do duhej të bënin betimin dhe në rast se ata nuk paraqiteshin, sërish Kuvendi do të njoftonte KQZ-në dhe vendet vakante vazhdonin të shpalleshin.

Kjo do të ishte proçedura më e shpejtë dhe gjithçka do të ecte brenda 24 orëve.

Por, çfarë po ndodh?

Lulzim Basha nuk ju ka kërkuar deputetëve të dorëzojnë mandatet, dhe sërish po gënjen publikisht. Ai kërkon kohë që të mbledhë Këshillin Kombëtar dhe të gjejë teknikalitetet për zgjidhjen e kësaj situate.

Nuk ka asnjë problematikë, mjafton që deputetët të firmosnin letrën e dorëheqjes dhe mandatet do të quheshin të djegura.

Nga ana tjetër, vetë Lulzim Basha po mbledh një Këshill Kombëtar, i cili nuk ka asnjë kompetencë mbi deputetët aktualë, pasi nuk është ky Këshilli Kombëtar që ju ka dhënë atyre mandatin, megjithëse atëherë kur i zgjodhi Basha nuk pyeti askënd.

Prandaj, djegia e mandateve duket të jetë një lojë dhe asgjë më shumë se kaq./CNA.al

Shënim/ Djegia e mandateve si mashtrim i Bashës për pazar me Ramën





Lajmet e fundit nga