E fundit!

17:34 Politikë

Rama pret në takim Presidentin e Lituanisë/ Zbardhen diskutimet

Kryeministri Edi Rama ka pritur ditën e sotme në një takim...

“Na duhet një kryeministër si Haradinaj”

17 Shkurt 2019, 19:55, Aktualitet CNA

Regjizori Kastriot Çipi në një postim në rrjetet sociale shkruan se Shqipërisë i duhet një kryeministër si Ramush Haradinaj.

Sipas tij, ne nuk kemi ku ta gjejmë një kryeministër që ka luftuar me armë në dorë.

Më tej Çipi shkruan se Haradinaj ka rrëzuar të gjitha alibitë e kryeministrave shqiptarë për nënshtrim ndaj Greqisë. Kur kryeministrit i Shqipërisë do t?i vërë taksë 100% mallrave greke, atëherë ai do të jetë kryeministri i parë i shqiptarëve.

Postimi i plotë:

Na duhet një kryeministër si Haradinaj!

Nuk kemi ku ta gjejmë një kryeministër, që ka luftuar me armë në dorë, që ka në trup plagë dhe fituar beteja kundër armiqve, sepse lufta jonë e fundit ka mbaruar para 75 vjetësh.

Nuk kemi ku ta gjejmë një kryeministër, që të jetë akuzuar, gjykuar dhe shpallur i pafajshëm dy herë nga një Gjykatë Ndërkombëtare, sepse asnjë gjykatë e tillë nuk i heton politikanët tanë.

Por mund dhe duhet të gjejmë një kryeministër të pashantazhueshëm, nga armiqtë dhe miqtë e rremë; një kryeministër që nuk telekomandohet me sms nga ambasadori i radhës.

Kryeministri pa skeletë në raft, që vjen në post me votat e shqiptarëve dhe jo me paratë e krimit, mund dhe duhet t?i thotë JO ambasadorëve të huaj në Tiranë, Junkerit e Mogherinit, madje dhe Merkelit e Trumpit, nëse kërkesat e tyre bien ndesh me aspiratat dhe të drejtat e shqiptarëve.

Kur Kryeministri i Shqipërisë do t?u verë taksë 100% mallrave greke, do të sekuestrojë bizneset dhe pronat e nënshtetasve grekë, derisa Greqia të shfuqizojë Ligjin e Luftës me Shqipërinë, do të njohë genocidin ndaj shqiptarëve dhe do t?u rikthejë atyre pronat e sekuestruara, bashkë me interesat financiare për 75 vjet, atëherë do ta dimë se ai do të jetë kryeministri i parë i shqiptarëve, jo thjesht i Shqipërisë.

Deri atëherë, t?i themi ?Faleminderit!? Haradinajt, sepse qysh tani ia ka bërë një shërbim të madh kombit, duke rrëzuar alibitë e të gjithë kryeministrave shqiptarë për nënshtrimin e tyre ndaj Greqisë./CNA.al