Denar Biba sqaron çfarë parashikon ligji për djegien e mandateve

17 Shkurt 2019, 17:43, Aktualitet CNA

Ish-kreu i KQZ Denar Biba në një postim në rrjetet sociale ka shpjeguar se çfarë parashikon ligji për propozimin e bërë nga kryetari i PD-së për djegien e mandateve të opozitës.

Sipas Bibës në momentin që një deputet heq dorë nga mandati atëherë ai i kalon kandidatit pasardhës në listë. Dhe nëse ky nuk paraqitet të bëjë betimin për 30 ditë i kalon tjetrit e kështu me radhë deri në shterimin e listës së kandidatëve.

Më tej Biba shkruan se këtu përfundon edhe imagjinata e legjsilatorit në një demokraci kushtetuese.

Postimin i plotë i Bibës:

?Per te gjithe miqte gazetare dhe te tjere qytetare te interesuar, ne vijim po vendos legjislacionin qe rregullon mbi ?heqjen dore? nga mandati i deputetit.

Neni 71, pika 2, germa ?b? parashikon se ?Mandati i deputetit mbaron ose është i pavlefshëm, sipas rastit: b) kur heq dorë nga mandati.?

Detaje te metejshme ne lidhje me kete situate jane parashikuar nga neni 164 i Kodit Zgjedhor, sipas te cilit: ?1) Mandati i deputetit, […], ndërpritet
vetëm për shkaqet e parashikuara në nenin 71 të Kushtetutës. Nuk përbëjnë shkak për ndërprerje të mandatit marrëveshjet apo deklaratat paraprake individuale apo kolektive për heqje dorë nga mandati. Në rastin e shkronjave ?a? dhe ?b? të pikës 2 të nenit 71 të Kushtetutës, deputeti deklaron në mënyrë publike përpara komisionit përkatës të Kuvendit
refuzimin për të bërë betimin ose heqjen dorë nga mandati. Në këtë rast Kuvendi, jo më
vonë se 30 ditë, njofton KQZ-në për krijimin e vakancës.
2. Mandati i ndërprerë i deputetit […] i kalon
kandidatit vijues të listës së të njëjtës parti politike në zonën zgjedhore përkatëse. […].
3. KQZ-ja merr vendim për dhënien e mandatit kandidatit të radhës në listën e
kandidatëve të regjistruar sipas nenit 67 të këtij Kodi. Vendimi i njoftohet kandidatit dhe
botohet në Fletoren Zyrtare. Nëse kandidati i radhës nuk paraqitet në Kuvend brenda 30
ditëve nga njoftimi, pa shkaqe të përligjura, mandati i kalon kandidatit vijues të listës, sipas
procedurës së parashikuar në pikën 1 ose 2 të këtij neni. E njëjta procedurë vazhdon deri në
shterimin e listës së kandidatëve të së njëjtës parti politike.?

Ne kete pike perfundon edhe imagjinata e legjislatorit ne nje demokraci kushtetuese…?,-shkruan Biba./CNA.al