web counter
LEXO PA REKLAMA!

SHKARKO APP

App Store
Google Play

E fundit!

x

Investimet e huaja/ Shqipëria fiton Gjyqin e Arbitrazhit

14 Shkurt 2019, 18:18, Aktualitet CNA

Shqipëria ka fituar gjyqin ndaj fondit të investimeve Anglo-Adriatic Group në Gjykatën e Arbitrazhit.

Ky proces gjyqësor ka më shumë se dy vite që ka filluar, më saktësisht që në dhjetor të 2016-ës.

Vendi ynë u padit nga Qendra Ndërkombëtare për Zgjidhjen e Mosmarrëveshjeve nga Investimet (ICSID) nga kjo kompani, për mosmarrëveshje të pretenduara si të lindura nga investime të mbrojtura nga Konventa e ICSID dhe ligji nr. 7764 dt. 02.11.1993 ?Mbi Investimet e Huaja?.Anglo-Adriartic Group kërkoi qindra mijëra euro dëmshpërblim .

Vendi ynë shfaqi kundërshtime mbi juridiksionin e Qendrës Ndërkombëtare për Zgjidhjen e Mosmarrëveshjeve nga Investimet.

Shqipëria parashtroi në gjykatë se investimi i pretenduar nga paditësi nuk përfaqësonte një investim të mbrojtur nga Konventa e ICSID dhe ligji shqiptar për investimet e huaja.

Gjykata e Arbitazhit vendosi në favor të Shqipërisë në këtë mosmarrëveshje dhe u shpreh se investimi i pretenduar nuk kishte mbrojtjen ndërkombëtare të Konventës së ICSID e as mbrojtjen kombëtare dhe ndërkombëtare të siguruar nga ligji shqiptar për investimet e huaja.

Paditësi u urdhërua të rimbursojë kostot administrative të Arbitrazhit të paguara deri më tani nga Shqipëria./CNA.al





Lajmet e fundit nga