web counter
LEXO PA REKLAMA!

SHKARKO APP

E fundit!

x

Procedimi penal për Palokën/ Strazimiri “shpërthen” ndaj Lleshajt

14 Shkurt 2019, 16:48, Aktualitet CNA

Deputeti i Partisë Demokratike, Gent Strazimiri i ka numëruar ministrit të Brendshëm, Sandër Lleshajt të gjitha arsyet pse nënkryetari i PD-së Edi Paloka e ka merituar që të jetë në Kuvend.

Në një postim në rrjetet sociale, Strazimiri shprehet se në ndryshim nga Lleshaj, Paloka shkon në Kuvend, pasi është zgjedhur pesë herë nga populli.

?Llesh!

“Shtetasi Edi Paloka”, ndryshe nga ti, është në atë sallë sepse është deputet i zgjedhur me votën e popullit dhe jo pak por 5 herë!

Llesh!

“Shtetasi Edi Paloka” e ka fituar vendin në atë sallë edhe kur përballë kishte vrasësit e Azem Hajdarit, Fehmi Abdiun apo edhe “Habilajt” e politikës e të policisë!

Llesh!

“Shtetasi Edi Paloka”, është nënkryetari më i rëndësishëm i Kuvendit të Shqipërisë, sepse përfaqëson popullin, jo qeverinë!?-ka thënë ai.

Më tej, deputeti demokrat i ka thënë ministrit të Brendshëm se nëse ai dhe mazhoranca vazhdojnë të qëndrojnë në Kuvend, sipas tij kjo ndodh sepse deri më tani e kanë lejuar opozita dhe populli.

?Dhe në fund, Llesh,

Thuaji “Gardës” dhe “Policisë”, të cilat nuk kanë nisur hetimet as kur në sallë qëlloheshin me armë e me grushta deputetët e opozitës, që nëse ti dhe ata e ndotni atë sallë ende me prezencën tuaj, kjo ndodh vetëm se ne, kolegët e “shtetasit Edi Paloka” së bashku me popullin ende jua lejojmë!!!!

Kështu që kujdes Llesh, mos e çil at derë!!!!?-shkruan Gent Strazimiri.CNA.al





Lajmet e fundit nga