E fundit!

22:29 Aktualitet

Protestuesit largohen nga Kryeministria/ Nisin marshimin në rrugët e kryeqytetit

Protestuesit janë larguar nga sheshi para Kryeministrisë, ...

Protesta e 16 shkurtit/ Policia e Tiranës i refuzon lejen opozitës

14 Shkurt 2019, 15:57, Aktualitet CNA

Partia Demokratike ka bërë me dije se Policia e Shtetit ka refuzuar kërkesën e opozitës për protestën e 16 Shkurtit.

Mësohet se Sekretari i përgjithshëm i PD-së, Gazmend Bardhi, ka njoftuar Policinë se protesta do të zhvillohet në bulevardin ?Dëshmorët e Kombit?, tek sheshi para Kryeministrisë, Lulishtja tek Piramida dhe tek rruga ?Ismail Qemali?, në krah të Kryeministrisë, rrugë ku mjetet lëvizin nga RTSH drejt bulevardit.

Më tej, theksohet se kjo kërkesë e PD-së është refuzuar. Vetë Partia Demokratike bën me dije se kanë hasur një refuzim arbitrar, nga ana e forcave policore.

?Ju njoftojmë se tubimi i datës 16 shkurt do të zhvillohet në bulevardin ?Dëshmorët e kombit? në sheshin para kryeministrisë, Lulishtja tek piramida dhe rruga ?Ismail Qemali?. Caktimi i vendit të tubimit është e drejtë kushtetuese e organizatorit dhe drejtuesit të tubimit. Për këtë arsye ligji parashikon njoftimin dhe jo kërkesën për leje në rastin e zhvillimit të një tubimi,?- sqaron Partia Demokratike.

Ndërsa, në shkresën e Policisë thuhet se refuzohet dhënia e lejes për protestën e organizuar nga opozita në disa nga këto ambiente.

?Hapësirat ndërmjet kryeministrisë dhe piramidës do të jetë territor ku do të dislokohen shërbimet e policisë dhe të Gradës së Republikës?, të cilët do të përmbushin detyrat ligjore para, gjatë dhe pas protestës. Dhe rruga ?Ismail Qemali? do të jetë e lirë pasi do të shërbejë për përmbushjen e përgjegjësive dhe detyrave ligjore të policisë së shtetit, gardës së republikës, urgjencave mjekësore, emergjencave dhe agjencive të tjera ligjzbatuese?-thuhet në shkresën e policisë.

Këte përgjigje PD-ja, me anë të Gazmend Bardhit e ka cilësuar si të paligjshme.

?Arsyet tuaja dalin jashtë rasteve të parashikuara në ligj dhe si të tilla përbëjnë kufizim të paligjshëm dhe të papranueshëm të lirisë së tubimit?,-thotë Bardhi.

Ndër të tjera, opozitai ka kujtuar Policisë së në Lulishten para Piramidës, Partia Socialiste ka hapur fushatën për zgjedhjet e Qershorit 2017, duke theksuar në këtë mënyrë se refuzimi ndaj opozitës është i nxitur nga arsye politike./CNA.al