web counter
LEXO PA REKLAMA!

SHKARKO APP

App Store
Google Play

Hapja e dosjeve/ Ministria e Jashtme ka numrin më të madh të spiunëve

13 Shkurt 2019, 21:08, Aktualitet CNA

Ditën e djeshme, u bënë publike nga Autoriteti i Informimit të Dosjeve të Sigurimit të Shtetit Komunist, inicialet e emrave të 30 bashkpunëtorëve të këtij institucioni famëkeq.

Sipas listës dy prej tyre me inicialet  Gj.Sh. dhe I.M. ndodhen në Akademinë e Shkencave.

Në vijim të kësaj teme këtë të mërkurë, TCH, raportoi se Ministria për Europën dhe Punët e Jashtme ka numrin më të madh të verifikimeve nga Autoriteti i Dosjeve. 234 punonjës të shërbimit diplomatik janë kontrolluar me kërkesë të vet Ministrisë dhe 7 kanë dalë me probleme për lidhjet e tyre me Sigurimin e Shtetit. Megjithatë askush nga kjo Ministri nuk guxon të thotë nëse të 7-tët janë ende në punë apo janë laguar.

Përgjigjja e tyre ishte se këtë proces e ndjekin institucione të tjera kompetente.

Po ish spiunët e Sigurimit të Shtetit janë edhe në universitete. Dy persona me inicialet A.M. dhe I.K. ndodhen në Fakultetin e Ekonomisë në Universitetin e Tiranës. Drejtuesit e këtij fakulteti kanë në dorë përgjigjen e Autoritetit të Dosjeve me emrat e ish-spiunëve.

Për shkak të ruajtjes së privatësisë, askush nuk konfirmon emrat e plotë të 30 ish-spiunëve, që janë zbuluar se janë ende në administratën e lartë shtetërore./CNA.al

 





Lajmet e fundit nga