web counter
LEXO PA REKLAMA!

SHKARKO APP

Vrasja e studentes greke/ Zbardhen telefonatat e të dyshuarve

13 Shkurt 2019, 19:07, Aktualitet CNA

Janë zbardhur tabulatet telefonike të Aleksandër Lucës dhe dhe shoku të tij grek Manolis Koukouras, të cilët akuzohen për vrasjen dhe hedhjen në det të 21-vjeçares greke, Eleni Topaloudi më 28 nëntor të viti 2018 në ishullin e Rodosit.

Nga zbardhja që autoritetet greke i kanë bërë tabulateve telefonike, rezulton se greku Manolis Koukouras i kishte dërguar një mesazh një avokati të njohur, një ditë pas krimit.

Ai kishte komunikuar me avokatin në orën 10:11 dhe e kishte pyetur se si duhet të vepronte.

Ndërsa, nga ana tjetër shqiptari Aleksandër Luca ka telefonuar vazhdimisht mikun e tij grek.

Dy djemtë kanë komunikuar me njëri-tjetrin në orën 08:12, 08:45, 11:07 dhe 13:12.

Gjatë telefonatave ata kanë komunikua si të mos ketë ndodhur asgjë.

Ndërkohë, po punohet për të zbuluar bisedat midis tyre.

Kujtojmë që dy djemtë akuzohen se kanë abuzuar, dhunuar , vrarë dhe më pas kanë hedhur në det studenten Eleni Topauloudi.

Djemtë e kanë pranuar krimin, por të dy akuzojnë njëri-tjetrin si personin që e dhunoi studenten dhe vendosi për ta hedhur trupin në det. Ndërsa, shqiptari dyshohet edhe për abuzimin seksual ndaj një vajze tjetër, rast që po hetohet./CNA.al





Lajmet e fundit nga