web counter
LEXO PA REKLAMA!

SHKARKO APP

Thirrja e deputetes demokrate/ Të punojmë sëbashku për negociatat

7 Shkurt 2019, 14:38, Aktualitet CNA

Deputetja e Partisë Demokratike, Rudina Hajdari është shprehur sot se vendi ynë është në një sfidë shumë të madhe siç është hapja e negociatave me Bashkimin Europian.

Nga foltorja e Kuvendit, Hajdari tha se kjo nuk është sfidë vetëm për qeverinë, por edhe për opozitën.

?Shqipëria ndodhet para një sfide të madhe që është hapja e negociatave me BE. Kjo nuk është sfidë vetëm për qeverinë, por për të gjitha partitë politike përfshirë edhe opozitën. Ne të gjithë së bashku duhet të punojmë për të ardhmen e vendit tonë.

Demokracia në vendin tonë është në një gradë shumë të ulët, dhe kjo për shkak të mazhorancës sigurisht që edhe ne kemi pjesën tonë të përgjegjësisë.?-deklaroi ajo.

Deputetja e PD-së shtoi ndër të tjera se vjedhja e votave tregon se vendi është kapur nga krimi dhe vjedhja.

?Ne nuk kemi ende të drejtën për të pasur zgjedhje të lira dhe të ndershme. Raportet e OSBE-së për vitin 2015 dhe 2017-ën tregon se korrupsioni dhe krimi në vendin tonë është në një nivel shumë të lartë, imagjino tani që ëhstë edhe më keq.

Flasim për një krim të organizuar që ka kapur të gjithë vendin.?-tha Rudina Hajdari./CNA.al





Lajmet e fundit nga