web counter
LEXO PA REKLAMA!

SHKARKO APP

App Store
Google Play

Darka në Kosovë/ Albin Kurti: Bashkimi kombëtar nuk bëhet në shtëpi private

4 Shkurt 2019, 21:25, Aktualitet CNA

Mbrëmjen e djeshme kryeministri Edi Rama në një postim në rrjetet sociale publikoi një foto ku po hante darkë me zyrtarët më të lartë të qeverisë së Kosovës.

Presidenti Hashim Thaçi, kryeministri Ramush Haradinaj,  kryetari i parlamentit Kadri Veseli, Behgjet Pacolli dhe Fatmir Limaj kanë qenë prezent në këtë darkë.

Kreu i Lëvizjes së Vetvendosjes Albin Kurti i futar në emisionin ?A Show? në News 24 ka komentuar darkën e tyre duke thënë se bashkimi kombëtar nuk bëhet në zyra dhe shtëpi private.

?Besoj që kjo nuk është as darka e parë as e fundit e tyre, nuk di çfarë kanë pasur në menu, mirëpo bashkimi kombëtar nuk bëhet në zyra e shtëpi private, por në shesh e institucione publike, duke rritur ekonomitë tona, duke njehsuar tregun, duke harmonizuar politikat e jashtme dhe të mbrojtjes. Darka e mbrëmshme më shumë menaxhim interesash brenda qeveritare se sa ndonjë përndritje për vizion në bashkimin kombëtar. Nuk mund të ketë bashkim të Kosovës me Shqipërinë nëse kjo përpiqet të ndërmjetësohet me pazaret me Serbinë?,-u shpreh Kurti.

Më tej pyetjese nëse janë mbledhur për të ndryshuar qëndrimin e kryeministrit Haradinaj për tkasën ndaj Serbisë Kurti u shpreh se një kërkesë e tillë të bën palë me Vuçiç.

?Ka mundësi. Por nuk duhet të harrojmë origjinën e kërkesës. Ajo vjen nga Vuçiç e të bën palë me të. Edhe SHBA dhe BE na kërkojnë çfarë iu ka kërkuar Vuçiç. Ne atyre duhet t?ju përgjigjemi me kërkesat tona?,-tha ndër të tjera Albin Kurti.

Kreu i VV shprehu mbështetjen e tij të plotë për vendimin e kryeministrit Ramush haradinaj dhe sipas tij taksa nuk duhet hequr nëse nuk plotësohen kushtet e Kosovës./CNA.al





Lajmet e fundit nga