web counter
LEXO PA REKLAMA!

SHKARKO APP

App Store
Google Play

Akuza e rëndë/ Ish-ministri i Ramës i përfshirë në blerjen e votave

4 Shkurt 2019, 20:48, Aktualitet CNA

Skandali i blerjes së votave i publikuar nga ?Zëri i Amerikës?është bërë kryefjala e diskutimeve politike ditët e fundit.

Deputeti Ervin Salianji i qenë prezent në studion e emisionit ?5 Pyetjet nga Babaramo? në Report Tv ka zbuluar se në dosjen e shit-blerjes është edhe ish-ministri Damian Gjiknuri.

“Në një përgjim të vetëm, kanë dalë nja 10 zyrtarë për drogë, blerje votash nga bandat me Vangjush Dakon në Durrës dhe Shijak. Vetëm këto janë bërë publike, por padiskutim që ka edhe dosje të tjera që janë kapur në përgjim zyrtarë të lartë të PS që flasin për shitblerje të votave. Nëse do kishim gjyqësor dhe prokurori të pavarur do ishin arrestuar. Jemi në një situatë ku këtu këta persona që i kanë shërbyer Ramës për të ardhur në pushtet dhe për të mbajtur pushtetin, janë të lirë, nuk ka asnjë të arrestuar për shitblerje të votave. Është dosja e Damian Gjiknurit e nxjerrë edhe nga PD. Basha e ka thënë që kemi informacion për këtë ish-ministër të përfshirë në shit-blerje të votave. Basha ka parë dosjen për Gjiknurin. Por sot përgjimet po i publikon edhe një institucion prestigjioz që do të thotë se niveli i alarmit ka tejkaluar shqetësimet e Shqipërisë, siç është “Zëri i Amerikës””,-u shpreh Salianji./CNA.al





Lajmet e fundit nga