web counter
LEXO PA REKLAMA!

SHKARKO APP

App Store
Google Play

E fundit!

x

Përdhunimi në Kavajë/ CRCA: Të pezullohen të gjithë zyrtarët arsimorë

4 Shkurt 2019, 18:25, Aktualitet CNA

Qendra për Mbrojtjen e të Drejtave të Femijëve në Shqipëri ka reaguar me anë të një deklarate në lidhje me ngjarjen e rëndë të ndodhur në qytetin e Kavajës.

CRCA ka denoncuar ashpër këtë ngjarje të rëndë dhe ka kërkuar hetimin e institucioneve arsimore në qytetin e Kavajës, pezullimin e tyre nga Ministria e Arsimit.

Më tej CRCA kërkon që Prokuroria e Përgjithshme të hapë një hetim për instancat të cilat flitet se e kanë mbajtur të fshehur këtë ngjarje të rëndë.

Deklarata e plotë:

Më anë të kësaj deklarate publike, CRCA Shqipëri kërkon të shprehë shqetësimin e saj të thellë për ngjarjen e fundit që ka ndodhur në qytetin e Kavajës, ku një fëmijë-vajzë, 13 vjeç, është bërë viktimë e dhunës seksuale nga një grup adoleshentësh.

Sipas raporteve në mediat e shkruara dhe vizive, të cilat kanë raportuar mbi ngjarjen, rezulton se dhuna seksuale ka qenë e përsëritur dhe ajo ka zgjatur përgjatë një periudhe 2-3 mujore. Po sipas tyre, ngjarja, ndonëse është denoncuar në fillim të muajit Janar 2019, ajo është mbajtur e fshehur nga Shkolla dhe Zyra Arsimore Kavajë, për shkaqe ende të panjohura. Vajza nuk e kishte denoncuar ngjarjen pasi dhunuesit, të gjithë adoleshentë, e kishin kërcënuar me publikimin e një video intime mes saj dhe të dashurit.

Pavarësisht raportimit gjerësisht të ngjarjes në media, ne vërejmë se ka ende mungesë të theksuar të informacionit zyrtar në lidhje me rolin që kanë luajtur ose jo institucionet shtetërore. Ndërkohë deri në momentin e publikimit të kësaj deklarate nuk ka patur asnjë reagim zyrtar nga autoritetet publike, si nga Ministria e Arsimit, ashtu edhe Prokuroria, Policia e Shtetit apo Bashkia Kavajë.

Për këtë arsye CRCA Shqipëri kërkon urgjentisht si më poshtë:

Dhuna seksuale ndaj fëmijëve është e patolerueshme. Krime të tilla trondisin jo vetëm viktimën dhe familjen, por edhe komunitetet ku ata jetojnë. Në këtë aspekt ne nxisim Bashkinë Kavajë dhe Policinë e Shtetit, që të marrin masat më të mundshme për të nxitur një komunikim konstruktiv midis të gjitha familjeve të prekura, duke përdorur edhe masat e drejtësisë rikthyese për të miturit. Nga ana tjetër, ne kërkojmë angazhimin e plotë dhe serioz të të gjithë strukturave shtëtërore për mbrojtjen e fëmijëve nga çdo lloj forme e dhunës përfshi këtu edhe atë seksuale, për të nxitur raportimin e menjëhershëm të rasteve të tilla pranë numrit falas 116-111 ose pranë Policisë së Shtetit.

Se fundmi, CRCA Shqipëri i bën thirrje të gjitha mediave për të ruajtur konfidencialitetin e vajzës dhe të të gjithë adoleshentëve të përfshirë në këtë ngjarje, si dhe familjeve të tyre, si një mënyrë për të lehtësuar, aq sa është e mundur, komunikimin dhe ndjesën midis familjeve dhe personave të përfshirë në këtë ngjarje./CNA.al

 





Lajmet e fundit nga