Takimi me tregtarët/ Basha premton ulje taksash

4 Shkurt 2019, 14:43, Aktualitet CNA

Kryetari i Partisë Demokratike, Lulzim Basha teksa takoi tregtarët në Lezhë iu rikujtoi se me të ardhur në pushtet, i gjithë biznesi i vogël me xhiro nën 140 milionë lek të vjetra në vit, do të përjashtohet nga TVSH, taksa do të jetë 0.5% e xhiros vjetore me një pullë të vendosur në vitrinë, e cila nuk do të lejojë taksidarë të abuzojnë.

Basha deklaroi se energjia për biznesin do të ulet dhe plani i PD-së është që biznesi të mos mbyll qepenat, por të shtojë të punësuar.

Një tregtar tha se mezi nxjerr bukën e gojës, pasi punë nuk ka.

?Puna është zero. Jam zgjuar që në 5. Puna zero. Xhiro fare, taksat në stratosferë?,-tha një tjetër tregtare.

Kryetari i PD, theksoi se kjo situatë e cila është shtrirë në të gjithë Shqipërinë, po çon në mbylljen më të madhe të biznesit të vogël në Ballkan. Kjo situatë duhet të marrë fund, tha ai, me zgjidhjen e kontratës me Edi Ramën dhe bandën që e mban në pushtet si sharlatan në zyrat e uzurpuara të qeverisë, shtoi Basha.

?I gjithë biznesi i vogël me xhiro nën 140 milionë lek të vjetra në vit, do të përjashtohet nga TVSH, taksa do të jetë 0.5% e xhiros vjetore me një pullë të vendosur këtu tek vitrina jote. Qëllimi ynë është të merrni dikë tjetër në punë, e jo të të mbyllet biznesi. Këto nuk janë premtime, por një plan i llogaritur nga ekspertët më të mirë shqiptarë dhe gjermanë?-u shpreh ai.

Basha teksa kujtoi se çmimin e rritur të energjisë dhe të naftës shqiptarët e paguajnë më shtrenjtë se në të gjithë Europën, një banor ndau shqetësimin e vjedhjes së hapur që i bën shteti familjes së tij me energjinë.

?Më kanë fatuar 200 mijë lek drita babait tim i cili është invalid pune. E kam fotokopjuar, kam ikur te OST, dhe më tha i kam harxhuar. Si i kam harxhuar? Ju jap numrat e sahatit. Si 200 mijë lek drita? Unë s?kam as fabrikë, magazinë?,-tha qytetari.

Basha i kujtoi se ndryshimi për të dhe çdo shqiptar tjetër i cili ka rënë në mjerim nga vjedhja e qeverisë së Edi Ramës, duhet të vijë nga vota e tyre.

?Edi Rama premtoi se do të ulë energjinë. Energjia është rritur 100%. Ne kemi një plan për të ulur çmimin e energjisë mes 30%-40% edhe për biznesin që prodhohen, edhe për konsumatorin. Fasha nën 300 KW do të ketë ulje, familjet me ndihmë ekonomike, 200KË e parë do t?i kenë të paguara nga shteti. 4 milionë e gjysëm i kanë futur në xhep brenda ditës. Kësaj duhet t?i japim fund?,-tha Basha

Ai tha se ditën e parë në pushtet, PD do të heqë taksën Rama mbi karburantin. Shqiptarët do të paguajnë 300 lek më pak karburant.

Basha pa nga afër edhe situatën e peshkatarëve në Shëngjin, të cilët thanë se një koleg i tyre ka humbur jetën për shkak të armotizimit të anijeve, të cilat kërkojnë investim nga shteti.

?Arben Ahmetaj merr 21 milionë euro për tre inceneratorë. 40 shkallë remonti mund të bëhen. T?i marrim Shqipërinë oligarkëve që po grabisin me Edi Ramën dhe kriminelë dhe t?ia kthejmë qytetarëve?,-tha kryedemokrati.

Kryetari i PD, bëri të ditur se opozita kërkon nga shqiptarët që të besohet me votë. Shqiptarët të njihen me programin ekonomik të PD dhe të vendosin ata nëse duan të zgjidhin problemet e tyre me votën e tyre. Basha shtoi se më 16 shkurt shqiptarët thirren për të zgjidhur kontratën me bandën që ka uzurpuar pushtetin dhe që s?ka asnjë lidhje me shqiptarët. Ai ftoi lezhjanët dhe të gjithë shqiptarët të jenë masivisht në Tiranë për të marrë në dorë fatin e tyre dhe familjeve të tyre!