web counter
LEXO PA REKLAMA!

SHKARKO APP

App Store
Google Play

Dashamir Shehi: Nuk protestojmë për të rrëzuar Edin dhe sjellë Lulin

4 Shkurt 2019, 19:33, Aktualitet CNA

Deputeti i opozitës, Dashamir Shehi, i ftuar në emisionin ?Byro? në TV ABC News, ka treguar konkretisht çfarë do të bëhet në protestën e 16 Shkurtit dhe çfarë synohet të arrihet me këtë protestë.

Shehi, është shprehur se për këtë protestë duhet një përgatitje e veçantë për idenë, pse duhet të vijnë qytetarët, çfarë  duhet të bëjnë, çfarë duhet të kërkojnë dhe si duhet finalizuar.

?Ne nuk po rrëzojmë Edi Ramën, për të vënë Lulzim Bashën, nuk po bëjmë pazar. Ne po kërkojmë  të rrëzojmë Ramën për të bërë një qeveri tranzitore, një qeveri e cila do të vendosë rregulla për zgjedhje të lira dhe të ndershme. Nga ata 40 oligarkë që janë, të paktën të largojmë 20, që të mos u vënë njerëzve pistoletën te koka kur votojnë, të mos japin para për të blerë votat,?- është shprehur Dashamir Shehi.

Deputeti Shehi, është shprehur se protesta e 16 Shkurtit, synon të krijojë një linjë të re që populli të votojë i lirë.

?Ne nuk  duam të marrim pushtetin në tavolinë. Duam të rrëzojmë Edi Ramën për të krijuar një qeveri tranzitore, të largojmë krimin nga politika, të largojmë korrupsionin nga politika, të përgatisim zgjedhjet me një ligj ndryshe nga ky i sotmi, pastaj të dalim në zgjedhje dhe nëse do populli le të votojë sërish Edi Ramën,?- është shprehur Dashamir Shehi. /CNA.al





Lajmet e fundit nga