Shënim/ Ish oficerët e shërbimit sekret Komunist janë ende në shërbim

27 Janar 2019, 18:34, Aktualitet CNA

Spiunët e ish shërbimit sekret Komunist, Sigurimi i Shtetit, janë ende në shërbim. Këtë herë jo për llogari të ish sistemit, pjesë zyrtare e të cilit ishin, por të këtij tranzitivë për zgjatjen e të cilit po japin kontributn e tyre.

Ndonëse një pjesë prej tyre janë mënjanuar, më shumë se gjysma vijojnë të jenë prezentë nëpër institucionet e shtetit të pas viteve ?90-të, duke shërbyer si prokurorë, si gjyqtarë, si avokatë, në Polici etj.

Lidhur me këtë fenomen, sot opozita ka publikuar një deklaratë me anën e të cilës lajmëron rikthimin e nëntë ish oficerëve të Sigurimit të Shtetit komunist në Shërbimin Informativ Shtetëror (SHISH), duke e vlerësuar këtë akt si skandal. Së bashku me publikimin e identiteteve të tyre PD kumton:

?Pasi mori në qeveri të gjithë pasardhësit e Byrosë Politike, miq të afërt të tij, Edi Rama, riktheu në poste të rëndësishme drejtues të Sigurimit të Shtetit. Policia e Shtetit sot drejtohet në të gjithë piramidën e saj nga ish oficere dhe bashkëpunëtorë të Sigurimit të Shtetit??.

Deklaratë-denoncimi i sotme i PD-së vjen pasi më parë, po prej saj, është bërë e ditur se në rradhët e Policisë së Shtetit shërbejnë si drejtues të rangut të lartë rreth 534 drejtues, gjë për të cilën, nga ana e drejtueses së Autoritetit për Informimin e Dosjeve të Sigurimit, Gentiana Sula, është venë në dijeni drejtori i Përgjithshëm i Policisë, por edhe instancat më të larta të qeverisë.

Është një numër relativisht i konsiderueshëm po të kihet parasysh se si punonjës të paguar të ish shërbimit sekret famëkeq komunist shërbenin rreth 1700 vetë.

?Një pjesë e ish sigurimsave janë përjashtuar nga reformimi që iu bë shërbimit gjatë viteve 1991-1997. Rikthimi në qeverisje i Fatos Nanos solli edhe rikthimin e të përjashtuarve. Fatkeqësia ishte se pranuan të rikthehehshin pjesa më kriminale e më servile e këtij kontigjenti. Fare pak ishin ata nuk u afruan, por zgjodhi të qëndrojë larg pushtetit. Të tjetrë u atashua në prokurori,avokaturë dhe sidomos në Polici, ku ata janë ndjerë më rehat e të patrazuar?,- shpjegon për CAN.al, S.B., një ish kuadër i Sigurimit të Shtetit, që pas shërbimit disa vjeçar në Polici, aktualisht gëzon pensionin e pleqërisë.

Duke ju rikthyer edhe njëherë deklaratës së sotme të PD-së, po citojmë fragmentin që motivon emërimin antiligjor të të tillë kuadrove drejtues në SHISH.

Për dy emrat e parë, Rafail Milon ish oficer i Sigurimit të Shtetit komunist, i emëruar Drejtor i Departamentit të Administratës në SHISH, dhe Qerim Dedja,ish oficer i Sigurimit, i emëruar drejtor i Drejtorisë së Sigurisë në SHISH, PD shprehet se:

?Autoriteti i Dosjeve ka zbuluar dokumentacion të mjaftueshëm që i bën ata të papërshtatshëm për promovimin në detyrë??,- ndërkohë që për shtatë të tjerët, ka prova të qarta në dosjet e tyre personale se kanë qenë oficerë të shërbimit sekret të diktaturës. Fjala është për ish punnjësit e Sigurimit: Mevlud Matrakun,i emëruar Drejtor i Performancës në SHISH, Vladimir Elezin i emëruar si Drejtor i SHISH në Elbasan, Gëzim Bimen, i emërohet Drejtor kundër Krimit Ekonomik dhe Korrupsionit , Ilir Tafa, i emëruar Drejtor i Drejtorisë SHISH, në Durrës, Sokrat Mite, i emëruar zv.drejtor i Departamentit të Kundërzbulimit, Agim Karralliu, i emëruar Drejtor i Drejtorisë SHISH Tiranë dhe Rinald Serani,i emëruar po Drejtor në SHISH./CNA.al