E fundit!

13:58 Aktualitet

SPAK sekuestron pasurinë në pronësinë indirekte të Belinda Ballukut

Prokuroria e Posaçme ka vendosur masën e sekuestrimit pasu...

Studentët akuza për vjedhje dhe abuzime/ Hije skandali në Universitetin e Korçës

26 Janar 2019, 14:06, Aktualitet CNA

Në Amfiteatrin e Fakultetit të Edukimit dhe Filologjisë në Universitetin Fan S. Noli në Korçë është zhvilluar një takim, ku të pranishëm ishin studentë dhe drejtues të këtij universiteti.

CNA.al kontaktoi me një nga studentët pjesëmarrës, i cili zbardhi detaje tronditëse në lidhje me këtë takim, i cili u mbajt i fshehtë për mediat.

Ndërkohë, burime për CNA.al bëjnë të ditur se në qendër të këtij takimi ishin shkeljet dhe aferet korruptive të këtij institucioni dhe raporti i KLSH-së, për vitin 2016-2017.

Të njëjtat burime, theksuan se ka qënë një takim mjaft i nxehtë, ku studentët kanë kryqëzuar dekanin dhe rektorin për gjendjen e universitetit të Korçës.

Gjithashtu burimet theksojnë se nuk ka qënë thjeshtë një takim, ku sipas qejfit mund të ngrihej dhe të akuzohej kush të donte, por studentët kanë qënë të mirëorganizuar dhe duke nxjerrë raportet e Kontrollit të Lartë të Shtetit dhe dokumentat zyrtare kanë ballafaquar ato me stafin akademik, të cilat fillojnë që nga akuzat për blerje makinash, karburanti, dietat që paguhen dhe deri tek bursat e vjedhura nga studentët e Korçës për fëmijët e dekanëve të fakulteteve.

Gjithashtu studentët kanë vënë me shpatulla pas muri drejtuesit e Universitetit të Korçës edhe në lidhje me abuzimet tenderat e zhvilluara pa asnjë proçedurë prokurimi.

Në këtë takim, studentët evidentuan shkelje dhe abuzime që nga kompiuterat, printerat dhe shumë pajisje të tjera që janë groposur pa lënë asnjë gjurmë, për zhdukjen e inventarave, dhe për atë që studentët e cilësuan si ?mafia e librave?.

Studentët kanë bërë denoncime mjaft të forta, të cilat nuk janë bërë publike. Ka pasur denoncime për vjedhje karburanti, dyfishim të tarifave, vjedhje të dietave, abuzime me printera, letra dhe shpenzime të tjera që shkojnë deri në qindra milionë lekë.

Gjithashtu studentët nuk kanë nguruar të akuzojnë edhe Dekanin e Fakultetit të Edukimit dhe Filologjisë në Universitetin e Korçës, Pavllo Cicko i cili akuzohet se ka rrembyer një bursë të fakultetit, për t?ja dhënë vajzës së tij, e cila sipas studenteve ju perkiste atyre.

Denoncimet e studentëve kanë qenë të mbështetura në dokumenta dhe prova të pa kontestueshme nga stafi akademik./CNA.al

Më poshtë foto dhe video nga takimi: