E fundit!

20:09 Politikë

Konferenca ndërqeveritare në Bruksel/ Kos: Mbyllja e tre kapitujve, moment i madh për Shqipërinë

Komisionerja europiane për Zgjerimin, Marta Kos ka përgëzu...

Skandali/ Zbulohen dy pedagogë të tjerë me mastera false në Universitetin e Korçës

12 Tetor 2016, 09:37, Aktualitet CNA

Disa ditë më parë emisioni Stop në TV Klan denoncoi dekanin e Fakultetit Ekonomik në Universitetin e Korçës se kishte paraqitur një master fallco të cilin e kishte siguruar në Bullgari. Një denoncim publik dhe investigim që organet kompetente po e hetojnë për të zbardhur të vërtetën.

Por rasti i F.Ç. është një pikë uji në oqeanin e skandaleve që mbulojnë Universitetin “Fan S. Noli”, në Korçë. Kjo për faktin se në këtë universitet nuk është vetëm dekani por janë disa pegadogë të tjerë që kanë përdorur formën manipulative të masterave jashtë shtetit.

Kjo formulë është përdorur edhe nga shumë pedagogë, të cilët më pas masterat e kanë legalixzuar në Ministrinë e Arsimit duke ju dhënë formë të plotë ligjore, më pas kanë vazhduar doktoratura dhe janë edhe as. prof.

Dy ditë më parë Citynews publikoi skandalin se dhjetra pedagogë të këtij universiteti ishin me mastera fallco apo fiktivë të siguruara në rrugë të dyshimta. Burime pranë Universitetit të Korçës theksonin se ishin me dhjetra pedagogë që kishin tituj shkencorë të pamerituar.

Ka raste kur një pedagog si L.A., në fakultetin Ekonomik, ka marë master jashtë pa ditur asnjë fjalë anglisht dhe për ta dorëzuar është gjetur një zgjidhje. Meren tema të vjetra ndryshohen dhe më pas përkthehen në anglisht me pagesë ose nga studentë, më pas ajo dërgohet në një universitet të nivelit të dytë apo të tretë jashtë vendit ku më parë është kryer pagesa. Ka raste kur këto universitete nuk kanë mastera on-line, por part-time. Në fakt rezulton se përsonat që kanë përfituar masterin nuk janë paraqitur, thjesht kanë dorëzuar dokumentat, kanë paguar paratë dhe më pas janë quajtur me master. Në bazë të lëkëve dhe letrës të përfituar prej tyre kanë çuar në ministri dokumentin e më tej kanë filluar doktoraturat e kështu me rradhë. L.A. është një personazh i njohur në qytetin e Korçës, aktiviste politike dhe kohë më parë me mandat politik.

Një tjetër rast i formullës së masterave fiktivë apo fallco është edhe M.C. që ka gati të njëjtën procedurë si dekani. Kjo ndoshta edhe prej afërsisë të tyre. M.C. është rasti i tretë që Cityneës sjell për skandalet e masterave në Universitetin e Korçës, ku dhjetra pedagogë kanë tituj shkencorë pa i merituar ato, duke falsifikuar apo paraqitur mastera të pavlerë duke i hapur rrugën titujve shkencorë. Më pas përfitimet dhe ofiqet rriten. Pagat e tyre rriten ndërkohë që studentët që të dalin nga auditoret paguajnë 200 mijë leksha për provime. Një tjetër skandal janë mësimdhënia, leksionet, librat dhe kurikulat që qarkullojnë në këtë universitet, por kjo temë do i përkasë një tjetër materiali./Citynews