web counter
LEXO PA REKLAMA!

SHKARKO APP

App Store
Google Play

"Edhe 99 herë të rrëzohemi, përsëri duhet të ngrihemi"/ Sot, 109 vite nga vrasja e Petro Nini Luarasit

17 Gusht 2020, 11:01, Aktualitet CNA

17 gushti i vitit 1911 shënon ditën e fundit të jetës pë Patriotin dhe atdhetarin e shquar kolonjar Petro Nini Luarasi. Rilindësi, emrin e të cilit e mbajnë dy gjimanze në Shqipëri, një në Ersekë dhe një në Tiranë, është kujtuar nga Presidenti Ilir Meta.

“Edhe 99 herë të rrëzohemi, përsëri duhet të ringrihemi. Mblidheni gjakun tim që ta përdorin fëmijët për të shkruar shqip!”.

Këto amanete legjendare të martirit të gjuhës dhe shkollës shqipe, Petro Nini Luarasi do të mbeten përjetë të gdhendura në memorien historike të kombit tonë, që e ka paguar aq shtrenjtë Lirinë dhe Pavarësinë e Shqipërisë, por edhe të Kosovës, duke sakrifikuar bijtë e bijat e saj më të mirë!

Sot, në 109-vjetorin e vrasjes të patriotit të shquar të Kolonjës dhe luftëtarit të paepur për zgjimin, emancipimin dhe prosperitetit e kombit shqiptar, është dita për të përkujtuar me nderim e respekt veprën e Tij dhe gjithë ato sakrifica të jashtëzakonshme në shërbim të arsimit shqip, për të cilin dha edhe jetën!

Rilindasi i vërtetë Petro Nini Luarasi, së bashku me atdhetarë të tjerë, kontribuan për ndriçimin dhe edukimin e popullit shqiptar, jo vetëm me dijen, por mbi të gjitha me patriotizmin, dashurinë dhe sakrificat për Atdheun, duke u shndërruar në një shembull të fortë frymëzimi dhe motivimi për të gjithë mësuesit e të rinjtë tanë ndër breza dhe duke na mësuar se: SHQIPËRIA ËSHTË E PARA!”, shkruan Meta në rrjetet sociale.

Kujtojmë se në vitin 2012, Presidenti Bamir Topi, i akordoi Petro Nini Luarasit (pas vdekjes) Urdhrin “Nderi i Kombit” me motivacionin: ?Figurë e shquar e kombit, një nga veprimtarët e ndritur të Rilindjes Kombëtare, luftëtar i paepur për zgjimin, emancipimin dhe prosperimin e kombit shqiptar, për çlirimin nga zgjedha osmane dhe formimin e shtetit komb të shqiptarëve, luftëtarit të madh të krijimit të arsimit kombëtar si një nga shtyllat e çështjes kombëtare, vepër për të cilën dha edhe jetën. /CNA.al





Lajmet e fundit nga