E fundit!

12:50 Aktualitet

Vrasja e Martin Canit/ Gjykata e Apelit lë në fuqi dënimin për autorin

Gjykata e Apelit ka lënë në fuqi vendimin për dënimin me 1...

Dënohet Basha/ Zbardhet vendimi i gjykatës

21 Janar 2019, 13:14, Aktualitet CNA

Është zbardhur vendimi i Gjykata e Rrethit gjyqësor Tiranë, e cila shpalli sot fajtor për ?Shpifje? kreun e PD-së Lulzim Bashën.

Basha është dënuar me 50 mijë lekë gjobë dhe heqje të të gjitha shpenzimeve të procedurave gjyqësore brenda një afati 6 mujor.

Vendimi është dhënë nga gjykatësi Gerd Hoxha i asistuar nga sekretarja Silvi Xhakolli.

Kryedemokrati ishte hedhur në gjyq për ?Shpifje? nga kreu i grupit parlamentar të PS-së, Taulant Balla.

Hapja e senacës gjyqësore nga deputeti i PS-së, Taulant Ballës erdhi pasi Basha pati hedhur akuza se 3.4 milionë eurot e sekuestruara në ?Toyota Yaris? ishin porositur nga socialisti.

VENDIMI

Në emër të Republikës

Gjykata e Rrethit Gjyqësor Tiranë e përbërë nga gjyqtar Gerd Hoxha asistuar prej sekretares gjyqësore Znj. Silvi Xhakolli sot më datë 21 janar 2019, me pjesëmarrjen e Prokurorisë së Rrethit Gjyqësor Tiranë, përfaqësuar nga prokurori Z. Agron Gjana, mori në shqyrtim në seancë gjyqësore publike, kërkesën penale me nr. 208 akti, me;

Viktima akuzuese: Taulant Balla, i biri i Kasëm dhe i Fatime, i dtl. 12.08.1977, lindur në Librazhd dhe banues në Tiranë Rr. ?Reshit Petrela?, shqiptar, i martuar, arsimi i lartë, i padënuar, përfaqësuar në gjykim nga Av. Genjtna Rumano.

I akuzuar: Lulzim Basha, i biri i Xhelal dhe i Remzije, i dtl.12.06.1974, lindur dhe banues në TIranë, Rr ?Demor Gashi?, Nr.3, shqiptar, i martuar, i padënuar, përfaqësuar në gjykim nga Av.Ivi Kaso dhe Av.Gazmend Bardhi.

Palë e interesuar: Prokuroria e Rrethit Gjyqësor Tiranë përfaqësuar në gjykim nga prokurori z. Agron Gjana.

Akuzuar: Për veprën penale të ?Shpifjes? parashikuar nga neni 120/2 i K.Penal.

Gjykata, në përfundim të shqyrtimit gjyqësor, pasi administroi provat shkresore; dëgjoi viktimën akuzuese Z. Taulant Balla që kërkoi deklarimin fajtor dhe dënimin e të akuzuarit Z. Lulzim Basha për kryerjen e veprës penale të ?Shpifjes? së kryer botërisht, parashikuar nga neni 120/2 i KP? dëgjoi mbrojtësit e të akuzuarit Z.Lulzim Basha që kërkuan pafajësi ose pushimin e gjykimit;

Nga neni 120/2 i K.Penal dhe në bazë të këtij neni, dënimin e të akuzuarit me 50 000 (pesëdhjetëmijë) lekë gjobë. Në aplikim të nenit 34 të KP, i akuzuari Lulzim Basha do ta paguajë këtë gjobë brenda një afati prej 6 muajsh, nga dita që ky vendim do të marrë formë të prerë. Shpenzimet procedurale në ngarkim të të akuzuarit. Kundër këtij vendimi mund të bëhet ankim, brenda 15 ditëve nga e nesërmja e shpalljes së tij, në Gjykatën e Apelit Tiranë./CNA.al