Basha show me zgjedhjet për kryesinë/ Asnjë risi në PD

21 Janar 2019, 12:34, Aktualitet CNA

Partia Demokratike ditën e shtunë mblodhi Këshillin Kombëtar, ku u bënë zgjedhjet për anëtarët e kryesisë. Votime për të cilat pati edhe shumë akuza të tilla si rezultate të manipuluara, apo dhe individë të cilët kishin fituar, por nuk u shfaqën.

Grida Duma, një nga eksponentët e lartë të PD-së, një ditë më parë në studion e emisionit ?Zonë e lirë? të Arjan Çanit, deklaroi se në PD nuk do të kishte garë, por edhe shumë zëra të tjera folën.

Përtej këtyre, shumë nga njerëzit e Bashës apo njerëzit e propagandës kanë nxituar ta shpallin kryesinë e re si një fitore të mendimit ndryshe, si një fitore dhe risi e madhe në Partinë Demokratike, e të tjera broçkulla si këto.

Por, në fakt ka një të vërtetë të madhe. Rreth 90% e të zgjedhurve janë pjesë e kryesisë së vjetër, përjashtuar ndonjë figurë si Izmira Ulqinaku, Orjola Pampuri apo dhe Dhurata Çupi. Të gjithë anëtarët e kryesisë të zgjedhur janë ish-anëtarë të kryesisë së vjetër, të cilët çuan PD-në në katastrofën elektorale të 2017-ës.

Çfarë mund të presësh më pas kur janë të provuar?

A kanë qënë Eno Bozdo dhe Fatbardh Kadilli anëtar kryesie dhe me poste sekretarësh? A ka qënë Jorida Tabaku anëtare kryesie? A ka qënë Endri Hasa anëtar kryesie sepse ka mbajtur detyrën e shefit të Departamentit të Teknologjisë?

A ka qënë anëtare kryesie Grida Duma, si sekretare Marrëdhënieve me Publikun në PD?

Për çfarë arsye shitet kryesia e vjetër si një risi e PD?

Janë të gjithë ish-anëtarë kryesie të PD-së, ku të gjithë pa përjashtim nuk kanë folur.

Endri Hasa, është ish-anëtar kryesie dhe drejtues i Departamentit Shoqëria e Informacionit.

Enkelejd Alibeaj, ish-anëtar kryesie dhe drejtues i Departamentit për Sigurinë, Rendin Publik dhe Luftën kundër Krimit.

Enno Bozdo, ish-anëtar kryesie dhe sekretar për organizimin në PD.

Fatbardh Kadilli, ish-anëtar kryesie dhe Sekretar i Burimeve Njerëzore.

Flamur Noka, ish-anëtar kryesie.

Florian Mima, kreu Departamentit të Ekonomisë dhe Tregut.

Grida Duma, Sekretare e Marrëdhënieve me Publikun.

Jamarbër Malltezi, kreu i Deparatamentit për Ambjentin, Pyjet dhe Turizmin.

Jorida Tabaku, ish-anëtare kryesie, dhe Nënkryetare e Komisionit për Ekonominë dhe Financat.

Kreshnik Çollaku, kreu i Departamentit të Marrëdhënieve me Jashtë.

Oerd Bylykbashi, Sekretar për Çështjet Zgjedhore.

Tomorr Alizoti ish-anëtar kryesie, drejtues i Departamentit të të përndjekurve politik.

Edhe Tomor Alizoti, i cili mbahet si kritik i Lulzim Bashës ka folur publikisht dhe ka dhënë dorëheqjen pasi Lulzim Basha nuk e vuri në listat e kandidatëve për deputetë. Dhe tani u rikthye, doli më i votuari me porosi të Lulit, pasi bëri pazar se do të ishte në kryesi dhe në listat e ardhshme të kandidatëve për deputet.

E pra, ajo kryesi dhe ato zgjedhje nuk janë gjë tjetër, por thjeshtë dhe vetëm show i radhës i Lulit, i cili ka filluar e kopjon Edi Ramën për fasada. E nëse Rama nuk bën fare zgjedhje për të mos bërë të tilla gënjeshtra publike, Luli bën show dhe kërkon të gënjejë njerëzit, duke shpikur një kryesi të re, e cila në fakt është e vjetër dhe e përbërë nga ata që çuan PD-në në dështimin e 2017-ës.

Nuk ka kryesi të re, të zgjedhur të rinj, por është e njëjta kryesi e vjetër, që po shitet si mall i ri pa afat skadence./ CNA.al

Redaksionale/ Tomor Alizoti, viktima me sindromën e Stokholmit

Faktet-Basha emëron sekretarët dhe Kryesinë/ Gara gënjeshtra e radhës

Këshilli Kombëtar hedh në kosh deputetët e Lulit/ Nuk morrën as 20% të votave

Basha me një kryesi qesharake/ E mbush me ish- sekretarët që hoqi

Ekskluzive/ Dalin votat per emrat e anëtarëve të Kryesisë së PD-së

Skandali/ Manipulim në numërimin e votave për kryesinë e PD