web counter
LEXO PA REKLAMA!

SHKARKO APP

App Store
Google Play

E fundit!

x

Një i dënuar për mashtrim në Kryesinë e PD

18 Janar 2019, 19:15, Aktualitet CNA

Fitim Zekthi është propozuar nga Lulzim Basha për të qenë pjesë e Kryesisë së re të Këshillit Kombëtar të PD, lista prej 15 anëtarësh e të cilit do të votohet nesër nga ky Këshill.

Sigurisht është e drejta e Lulit të propozojë cilin ti dojë kokrra e qejfit, për aq kohë sa të ketë në dorë drejtimin e PD-së , por me Fitimtarin e ardhur nga Belshi çështja ndërlikohet ca sepse ai rezulton me vendim gjykate i dënuar me gjashtë muaj burg për mashtrim.

Fakt ky i bërë publik edhe nga KQZ, pasi  emri i Fitim Zekthit u vendos në vendin e gjashtë si kandidat për deputet i PD-së në qarkun e Elbasanit në zgjedhjet e 2017.

Por faktin e qënies i dënuar e ka pranuar edhe vetë Fitim Zekthi, në vetëdeklarimin e depozituar pranë KQZ(shih dokumentin e publikuar më poshtë), ku theksohet se vendimi i dënimit për mashtrim nuk është ekzekutuar etj.

Gjykata që ka dënuar përfundimisht Fitim Zekthin, është ajo e Apelit të Elbasanit, me vendimin gjyqësor të formës së prerë me nr. 246 viti 2003.

Kandidati për deputet i listës Basha për “Republikën e re” në ato zgjedhje rezultoi humbës e megjithatë i inspiruar nga  Luli nuk e ndali vrapin drejt majës së PD-së, duke ja dalë të lerë pas jo pak emra të njohur e të devotshëm, që kanë qenë kontributiv në këtë parti.

Basha sigurisht ka arsye ta ketë pranë vetes Fitim Zekthin, pasi çdo ditë që kalon ndjen braktisjen nga demokratët jo servile, jo ushtar etj., dhe i duhen të tillët si Fitimtari, por futja e një të dënuari për mashtrim është fyerje e rendë që i bëhet anëtarësisë së ndershme të PD-së. Partisë historike që edhe në ditët e saj më të këqia nuk i ka pranuar as mashtruesit e aq më tepër mashtruesit e konfirmuar si të tillë edhe nga dënimi i dhënë prej gjykatave. /CNA.al





Lajmet e fundit nga