Monika Kryemadhit nuk i del inati me Ramën

18 Janar 2019, 18:15, Aktualitet CNA

Nga takimi me Komitetin Drejtues Kombëtar të LSI-së, Monika Kryemadhi u shpreh se largimi i Edi Ramës do të thotë që të ulim taksat, të rikthejmë 400 mijë shqiptarët të cilët kanë ikur dhe të kemi një shëndetësi falas.

?Sigurisht që vendimi i opozitës së bashkuar është rrëzimi dhe largimi i Edi Ramës. Është një vendim për të cilën e kemi artikuluar herë pas here, por tashmë e kemi institucionalizuar. Sepse largimi i Edi Ramës do të thotë që të kthejmë 400 mijë shqiptarët të cilët kanë ikur nga Shqipëria. Rrëzimi dhe largimi i Edi Ramës do të thotë që të ulim taksat, të cilat u janë ngritur shqiptarëve gjatë gjithë kësaj kohe. Rrëzimi dhe largimi i Edi Ramës do të thotë që të kemi një shëndetësi falas. Ose nëse nuk mundemi një shëndetësi falas, atë të cilën u ka premtuar Edi Rama, do të thotë që të kthejmë një shëndetësi të barabartë dhe jo me standarde të dyfishta. Por një shëndetësi të mirë dhe të detyrueshme për shqiptarët.?-u shpreh Kryemadhi.

Sipas saj, Të rrëzosh dhe të largosh Edi Ramën do të thotë, të plotësosh kërkesat e studentëve, të konsolidosh ekonominë shqiptare dhe të krijosh shanse dhe mundësi të barabarta për të gjithë shqiptarët.

?Të rrëzosh dhe të largosh Edi Ramën do të thotë që të plotësosh kërkesat e studentëve. Por jo vetëm kërkesat e studentëve, por edhe të ruash dhe të institucionalizosh integritetin e universitetit shqiptar dhe të pedagogëve shqiptarë. Të rrëzosh dhe të largosh Edi Ramën do të thotë të konsolidosh ekonominë shqiptare. Pra do të thotë që bizneset të cilat po mbyllen dhe po falimentojnë çdo ditë për shkak të politikave diskriminuese dhe për shkak të politikave që favorizojnë oligarkët, është e domosdoshme rrëzimi dhe largimi i këtij njeriu. Të rrëzosh dhe të largosh këtë njeri do të thotë që tu garantosh pensionistëve një pension që jo vetëm që të kujdesen për jetën e tyre, por edhe të kenë mundësi më të mira për të kaluar vitet e fundit të jetës së tyre si njerëz normal. Të rrëzosh dhe të largosh këtë kryeministër do të thotë që të krijosh shanse dhe mundësi të barabarta për të gjithë shqiptarët.?- u shpreh ndër të tjera Kryemadhi./CNA.al