E fundit!

16:22 Aktualitet

Vrasja e policit në Maliq/ Hita: Nëse DVP Korçë do kishte kërkuar ndihmë do ishin marrë masa më të forta

Kreu i Policisë së Shtetit Skënder Hita ka zbarkuar në Kor...

Shpërthen gazetari/ "Fyerje të kërcënosh Monikën e Ilirit"

18 Janar 2019, 15:42, Aktualitet CNA

Gazetari Bledi Mane nëpërmjet një postimi në rrjetet sociale ka hequr një paralelizëm mes familjes së çiftit diktatorial Hoxha (Enver dhe Nexhmije Hoxha) dhe çiftit presidencial Meta (Ilir Meta, Monika Kryemadhi).

Ai shkruan se askush nuk kërcënoi familjen e diktatorit Enver Hoxha, dhe sipas tij është fyerje të kërcënosh Monikën e Ilir Metës.

?Nexhmije Hoxha është një e ve dibrane 98 vjeçe. Ish gruaja e diktatorit komunist pas përmbysjes paqësore të regjimit, jeton e vetme te Pularia e Laprakës. Mbi dhe nën lëkurën e saj, janë gdhendur mëkatet dhe krimet monstruoze që i shkaktuan Shqipërise për 46 vite rresht. Vrasje, tortura, internime, linçime, pushkatime, poshtërime individuale dhe kolektive lënduan dhe desh çuan ne tjetërsim një popull të tërë. Nexhmije Hoxha është ende e gjallë si kufomë e pakallur por deri më tani, askush, asnjë indvid shqiptar nuk u hakmorr kundër saj. Jo vetëm shoqja Nexhmije por edhe tre fëmijët e saj, nipër e mbesa e të tjerë të afërt, jetojnë të qetë në paqe jo me veten por me njerëzit që i rrethojnë. Kurkush dhe kurkund nuk i kërcënoi e as nuk ua rrezikoi jetën pinjollëve të diktatorit gjakatar Enver Hoxha…

Mbrëmë direkt në televizionin Top Channel, një tjetër dibrane qante e ulëriste. Qurravitej se e kishin kërcënuar atë dhe vajzën e saj të vogël. Madje për ta mbrojtur, vajzën e vogel e kishte larguar nga republika e rrezikshme ku burri i saj është president dhe e kishte çuar te studione në një kolegj privat në Londër. Qante mbrëmë Monika dhe mes lotëve tregonte se edhe dy fëmijët e tjerë me të rritur, në Angli i kishte çuar për studime. Gazetarët e ftuar në studio u preken. Lotonte Monika, pezmatohej Eni Vasili, hidhëroheshin edhe dy Mentorët: ai Nazarko, ai Kikia. Ndërsa Anila Basha gulçonte nga dëshpërimi sesi zonja e parë e Shqipërise po shfaqte hapur frikën e kërcënimeve.

Te kërcënosh Monikën e Ilir Metës është fyerje. Është fyerje ndaj karakterit njerëzor shqiptar. Është fyerje edhe për vetë shpagimin. Kushdo në këtë vend ka 25 vjet që ua njeh me dhëmbë e me dhëmballë mëkatet çiftit presidencial. Këta të dy nuk i ka kërcënuar e nuk do i kërcënoje askush me fjalë e me vepra edhe kur u vodh floriri ne Krrabë, edhe kur u vranë 4 protestues në vitin 2011, edhe kur kanë burgosur kundërshtaret politike.?-shkruan Mane.

Gazetari më tej vijon se kërcënimi i vetëm që ata marrin nga shqiptarët është vota e cila i ka nxjerrë në opozitë.

?Unë personalisht i njoh të dy, edhe Monën edhe Liken. I njoh dhe ua njoh biznesmenët dhe kriminelët që mbajnë në presidencë dhe në parti. Çiftin Meta nuk e kërcënon askush jo sepse kanë frikë por kërcënimi më i mirë i shqiptarëve është me votë. Votat tona i kanë nxjerrë në opozitë dhe votat tona do i nxjerrin ne pension permanent ilirët, moniket, petritët, edët, berishët, bashët.?-vijon Gazetari.

Sipas Manes, gazetarët duhet ta pyesnin Monikën se ku i gjen 150 mijë paund anglezë për të arsimuar fëmijët në Angli.

?Mbrëmë teksa Monika qante, unë ulërisja pse ata gazetare nuk e pyesnin se ku i gjen 150 mijë paund anglezë familja Meta. 150 mijë paund që arsimohen çdo vit 3 fëmijet e tyre jashtë Shqipërisë. Me paratë e krimit arsimohen fëmijet e në këtë mesele edhe dy fëmijët e tyre të rritur elaborojne mëkatet. Ata dy fëmijë duhet te pyesin dy prindërit e tyre:

-Babi, mami ku i gjeni l lekët për të na arsimuar ne?

Arsimimi ynë paska njolla krimi!…

Nexhmije Hoxha dhe burri i saj vranë dhe masakruan 24 mijë shqiptarë dhe askush nuk i kërcënoi.

Ilir Meta vetëm 4 ka vrarë deri tani.

Kush beson ne kërcënimet ndaj Monës le të ngujohet te Fakulteti Juridik.?-përfundon Bledi Mane./CNA.al