web counter
LEXO PA REKLAMA!

SHKARKO APP

App Store
Google Play

E fundit!

x

Lista e Sekretariatit nga armiqtë e Bashës

18 Janar 2019, 19:07, Aktualitet CNA

Lulzim Basha shpalli sot pasdite listën e Sekretariatit dhe Kryesisë të partisë. Asnjë standard asnjë kriter, emra të vendosur për zgjedhje fiktive,  që zhvillohen kot në Këshill Kombëtar, pasi fituesit tashmë dihen. Ata janë vendosur në familjen e Lulit ku dhe kanë marrë vulën përfundimtare.

Në fakt lista e publikuar sot ka pasur surpriza. Binte në sy mos kandidimi i Enkelejd Alibeajt, i cili kishte shpallur më parë ambicjen e tij për postin e Sekretarit të Përgjithshëm.

Alibeaj nuk ka kanduar, pasi Lulzim Basha e ka dhënë preferencën e tij për Gazmend Bardhin. Pas këtij leximi Alibeaj është tërhequr, e ka shuar ambicien e tij duke refuzuar dhe çdo lloj posti.

Një emër tjetër ishte ai i Kreshnik Çollakut që pritej të ishte në postin e Sekretar të Burimeve Njerëzore, apo Albana Vokshi si Nënkryetare, por kjo nuk ka ndodhur.

Në vend të tyre e të tjerë kandidatëve të denjë Luli ka shpalosur listën e familjes, pasi ka lexuar emrat për Kryesinë ku rezultojnë edhe të dënuar si mashtrues.

Me emrat për Sekretariatin ai ka lenë gojë hapur shumë nga bashkëpuntorët e tij. Shumë prej atyre që e mbështesnin dhe mbanin detyra, Luli u dha shqelmin,  Ristanit, Bozdos e Kadillit. Në vend të tyre ai shpalosi një listë të cilën edhe armiqtë e tij ta kishin përgatitur nuk do e kishin bërë aq të keqe sa vetë Luli me dorën e tij. Pa asnjë standard dhe kriter. Një listë paçavurë që për më tepër do e çojë PD drejt një rruge pa krye, dhe një rrudhjeje të mëtejshme elektorale./CNA.al





Lajmet e fundit nga