E fundit!

11:42 Aktualitet

Nis spërkatja e kulturave të misrit në Maliq, trajtohen rreth 100 hektarë

Ka nisur procesi i spërkatjes së kulturave të misrit në Ba...

Flori, Vesa, Dua dhe Elhaida “takohen” në kujtime dhe i japin një tjetër kuptim ditëve të ftohta të janarit

16 Janar 2019, 09:18, Lifestyle CNA

Të gjithë kemi momente të caktuara kur bëhemi nostalgjikë për fëmijërinë apo adoleshencën tonë por duket se dy ditët e fundit vala e mallit për të kaluarën dhe rikthimin e kujtimeve të bukura ka prekur një pjesë të mirë të njerëzve.

Kjo mjafton të hapësh Instagram-in dhe vihet re menjëherë, pasi më tepër se zakonisht personazhe të njohur të ekranit kanë publikuar foto të fëmijërisë së tyre duke kujtuar momente të veçanta.

Nuk është thjesht një apo dy por janë disa personazhe të cilët duket sikur e kanë lënë me fjalë që të publikojnë njëri pas tjetrit foto apo video kur ishin ende disa vogëlushë të mamit dhe të babit.

Vesa Luma

Pak minuta më parë Vesa Luma publikoi këtë video të cilën e përshkruan si një nga kujtimet më të bukura, herën e parë kur ajo ka dalë të këndojë në skenë. Filmuar 23 vite më parë, me një lule në dorë dhe duke kënduar në një festival fëmijësh Vesa shprehet se ndihet nostalgjike për këtë moment, duke kujtuar njëkohësisht prezencën e të atit të saj në sallë.

Dua Lipa

Ditën e djeshme Dua Lipa ka publikuar në profilin e saj në Instagram një video të xhiruar gjatë fëmijërisë së saj ku flet shqip. Dua ka pranë saj një bebe, motrën e saj në atë kohë pak muajshe dhe luan e qesh me të. Teksa e filmojnë, personi që e xhiron(me siguri i ati) e pyet për emrin dhe ajo shprehet se quhet Dua Lipa, dhe që e do shumë. Pastaj vijon duke luajtur me motrën që ka pranë duke treguar se ku e ka syrin, dorën.

?Kjo është motra jeme. Ky është syri. Ka shumë flokë, ka këmbën e vogël ka dorën e vogël??,- shprehet ajo në shqip gjatë videos.

Flori Mumajesi

Flori bëhet shpesh nostalgjik, për hitet e tij, për miqtë e vjetër, momentet ku ka qeshur shumë por edhe për fëmijërinë.

Dy ditë më parë ai ka publikuar në rrjete sociale një foto kur ka qenë një vogëlush, hipur mbi një kal mbi të cilin duket se ka shumë kujtime jo vetëm ai po çdo kombinats.

Ndoshta atëherë ka qenë gjashtë vjeç ose të paktën kështu kuptohet nga gishtat e dorës që ka ngritur drejt aparatit me të cilin mesa duket paska patur raport të mirë që në fëmijëri.

Elhaida Dani

Elhaida Dani sot ka postuar një foto nga fëmijëria duke zbuluar disa detaje mjaft të veçanta që ne nuk i dinim. Ishte koha kur jetonte në qytetin e saj të lindjes Shkodrën dhe gjithashtu hera e parë dhe e fundit që kishte lejuar mamanë e saj ta vishte me minifund.

?Sapo ma dërgoi vëllai dhe më rizgjoi kaq shumë kujtime ? Ndoshta ishte viti ?96 dhe jetonim në Shkodër. familje jo e pasur ekonomikisht por e pasur me dashuri dhe lumturi! Kjo me siguri ka qenë hera e parë dhe e fundit që kam lejuar mamin të më vesh me minifund ! Prandaj nuk jam e lumtur?- shkruan Elhaida.