web counter
LEXO PA REKLAMA!

SHKARKO APP

App Store
Google Play

U shkarkua nga Adriatik Llalla/ KPK e konfirmon në detyrë

14 Janar 2019, 10:58, Aktualitet CNA

Një tjetër prokurore është konfirmuar në detyrë sot nga Komisioni i Pavarur i Kualifikimit. Mësohet se bëhet fjalë për prokuroren në Prokurorinë e Përgjithshme Alma Muça.

KPK ka konstatuar se prokurorja në Prokurorinë e Përgjithshme Alma Muça nuk ka probleme me deklarimin e pasurisë, nuk gjendet në situatë të konfliktit të interesit, si dhe mbart aftësi profesionale.
Në shkurt të vitit 2017, prokurorja Alma Muça u pezullua nga ish-kryeprokurori Adriatik Llalla.

Ndaj saj nisi hetimi për shkak të qëndrimit të dyshimtë që ka mbajtur në Gjykatën e Lartë, ku po shqyrtohej rekursi për një ngjarje të rëndë në Vlorë, ndodhur në vitin 2015, ku mbetën të vdekur 3 persona pas një konflikti të armatosur. Bëhet fjalë për masakrën e Coles.

Në media gjithashtu qarkulloi një lajm se prokurorja Alma Muça sëbashku me një prokuror ka favorizuar ndryshimin e akuzës dhe për këtë u bë dhe një padi për ta pasi familjarët e të pandehurit i akuzuan për korrupsion.
Në total ka patur tre denoncime për të për afera korruptive, por DSIK ka konstatuar se nuk ka fakte për akte korruptive nga ana e subjektit e kësisoj e deklaron të përshtatshme për të vazhduar detyrën.

EKSKLUZIVE-Skandali në Prokurori/Llalla kthen në detyrë prokurorët që akuzoi për korrupsion

Rol kyç në hetimet për masakrën e Çoles/ Kush është prokurorja që do japë llogari përpara KPK





Lajmet e fundit nga