web counter
LEXO PA REKLAMA!

SHKARKO APP

App Store
Google Play

Studimet master/ Kush përfiton nga ulja e tarifave

14 Janar 2019, 09:57, Aktualitet CNA

Një ditë pasi kryeministri Rama deklaroi se dy përfaqësues nga ministria e Arsimit dhe nga ministria e Financave do të shkojnë në universitete për të asistuar studentët që duan shpjegime apo duan të adresojnë probleme specifike, lidhur me zbatimin e VKM mbi tarifat e bursat brenda janarit, ka ardhur sot një tjetër reagim.

Në një deklaratë për mediat, ministri në detyrë i Financave dhe Ekonomisë, Arben Ahmetaj ka sqaruar me detaje se kush përfiton nga ulja e tarifave të studimit në universitetet publike.

Duke ju referuar studimeve të nivelit master, Ahmetaj tha se përfitojnë nga ulja e tarifës në 50%, të gjithë studentët me mesatare 9 deri në 10.

?Për studimet e nivelit master, përfitojnë ulje të tarifës në institucionet publike të arsimit të lartë, reduktimi në 50% për studentët me mesatare 9 deri në 10. Studentët kanë katër ditë kohë për të parqitur dokumentet e nevojshme.?-tha Ahmetaaj.

Gjithashtu Ahmetaj tha se do të përfitojnë edhe bursë studimi 10 mijë lek të reja, studentët ekselentë si dhe studentët e shtresave në nevojë.

?Bordi i administrimit të institucionit shqyrton për cdo vit akademik listën e studentëve të cilët plotësojnë kriteret që unë trajtova më lart. Studentet e shtresave në nevojë dhe studentët ekselentë përfitojnë bursë 10 mijë lek në muaj?-deklaroi ndër të tjera Ahmetaj./CNA.al

Ngujimi i studentëve/ Tërhiqet Qeveria?





Lajmet e fundit nga