Moti i keq/ ARRSH tregon akset problematike

14 Janar 2019, 08:28, Aktualitet CNA

Autoriteti Rrugor Shqiptar ka bërë një njoftim për mediat dhe qytetarët në lidhje me gjendjen aktuale të akseve kryesore rrugore në vend.

Në njoftimin e ARRSH shkruhet se gjatë mbrëmjes së djeshme ka pasur temperatura shumë të ulëta në Rajonin Verior dhe si pasojë e kësaj në rrugë ka shtesa ngricash.

?Njoftim për median dhe opinionin publik mbi gjendjen e akseve kryesore të vendit

Rajoni Verior: Gjatë natës ka pasur temperatura të ulëta. Në të gjitha akset ku ka prezencë ngricash, është bërë shpërndarja e kripës nga ana e kontraktorëve.?-thuhet në njoftim.

Më tej, sqarohet se në segmente të caktuara lëvizja duhet të bëhet me zinxhirë, ndërsa në pjesë të tjera normalisht.

?Segmentet që janë të kalueshme me zinxhir ose pjesërisht me zinxhir janë:

Domaj- Drajë Rec

Qafë Mali- Fierzë

Ura e Cerenecit-Steblevë

Kuben-Vasije

Peshkopi-Qafë Drajë

Peshkopi-UShtelencë

Qafë Bualli-Krastë

Trebisht-Doganë

Në akset e tjera qarkullimi është normal.?-shkruhet më tej.

Për Rajonin Qendror thuhet se ka pasur reshjee të dobëta dhe temperatura të ulëta dhe si pasojë edhe në këtë rajon ka pjesë rruge ku kalimi duhet të bëhet me zinxhirë.

?Rajoni Qendror: Gjatë natës ka pasur temperatura të ulëta dhe tani kanë filluar reshje të dobëta. Është punuar nga kontraktorët që në orët e para të mëngjesit për shpërndarjen e kripës në segmentet ku ka prezencë ngricash.

Qarkullimi në akset e këtij Rajoni është si më poshtë:

Aksin nga Trau i Dajtit-Teleferik -Vilat Qeveritare, rekomandohet përdorimi i zinxhirëve , për shkak të prezencës së ngricave.

Qafë Priskë-Shëngjergj rekomandohet përdorimi i zinxhirëve për shkak të prezencës së ngricave.

Qafë Priskë-Qafë Mollë rekomandohet përdorimi i zinxhirëve.

Aksi Krujë Sarisalltik rekomandohet pjesërisht me zinxhir.

Lunik-Steblevë rekomandohet me zinxhir në pjesën fundore të tij.

Në akset e tjera qarkullimi është normal.?-vijohet më tej.

Ndërsa, për sa i përket Rajonit Jugor njësoj si edhe në zonat e tjera edhe këtu ka psur temperatura të ulëta, duke e bërë të domosdoshme lëvizjen me zinxhirë në disa pjesë të rrugëve.

?Rajoni Jugor: Gjatë natës ka pasur temperatura të ulëta, sidomos në Qarkun e Korçës. Që në orët e para të mëngjesit është bërë shpërndarja e kripës nga ana e kontraktorit për shkak të temperaturave dhe prezencës së ngricave në rrugë.

Qarkullimi në akset e këtij Rajoni paraqitet si më poshtë:

Në Qarkun Korçë qarkullimi është normal pa zinxhir.

Në Qarkun Gjirokastër qarkullimi normal pa probleme.

Në Qarkun Vlorë qarkullimi i mjeteve bëhet normalisht pa zinxhir.

Të gjithë kontraktoret janë në gatishmëri, pasi pritet që pasdite të ketë reshje bore.

Për shkak të temperaturave të ulëta, rekomandohen përdoruesit e rrugës të bëjnë kujdes, të lëvizin me shpejtësi të reduktuar dhe të përdorin gomat e dimrit.

Gjithashtu gjatë lëvizjes duhet të respektojnë sinjalistikën rrugore.?-thuhet në njoftimin e ARRSH për mediat./CNA.al