web counter
LEXO PA REKLAMA!

SHKARKO APP

App Store
Google Play

Në kërkim për trafik narkotikësh/ Prangosen dy të shumëkërkuarit

11 Janar 2019, 13:14, Aktualitet CNA

Policia në Pogradec ka bërë të mundur ndalimin e dy personave të shpallur në kërkim, njëri prej të cilëve i dënuar me 12 vjet burg dhe tjetri i dënuar me 8 vite burg, për veprat penale ?Prodhimi dhe shitja e narkotikëve? dhe ?Kultivimi i bimëve narkotike, të kryera në bashkëpunim?.

Sipas uniformave blu, të arrestuarit janë shtetasit Nexhip Ibrahimllari, 37 vjeç, banues në Velçan, Maliq dhe Emanuel Çyçllari, 27 vjeç, banues në Porodinë, Korçë.

?Gjykata e Shkallës së Parë Korçë, e ka dënuar shtetasin Nexhip Ibrahimllari me 12 vjet burg dhe shtetasin Emanuel Çyçllari me 8 vjet burg për veprat penale të mësipërme, në lidhje me ngjarjen e ndodhur në datën 30.10.2015 , ku në fshatin Velçan, Maliq, u gjet dhe sekuestrua në cilësinë e provës materiale 722.5 kg lëndë narkotike Cannabis Sativa.

Gjithashtu për të dy shtetasit, është vendosur edhe masa e sigurisë ?Arrest me burg? për veprën penale ?Kultivimi i bimëve narkotike, kryer në bashkëpunim” në lidhje me ngjarjen e datës 20.08.2018, të ndodhur në territorin e fshatit Velçan, ku gjatë një operacioni u godit një grup kriminal në fushën e kultivimit të narkotikëve, të cilëve iu gjetën të kultivuara dhe iu asgjësuan një sasi bimësh të dyshuara Cannabis Sativa.

Materialet i kaluan Prokurorisë pranë Gjykatës së Shkallës së Parë Korçë për veprime të mëtejshme.?-thuhet në njoftimin e policisë.





Lajmet e fundit nga