web counter
LEXO PA REKLAMA!

SHKARKO APP

App Store
Google Play

Kundër sistemit edhe kundër Lulit, Ramës dhe Metës

11 Janar 2019, 09:39, Aktualitet CNA

Kryetari i Partisë Demokratike, Lulzim Basha, u shfaq tepër i shqetësuar në emisionin “Opinion” të Blendi Fevziut, pas kthimit nga pushimet e tij të gjata Hollandeze.

Luli si lider i Republikës së Re tha se ?ata që kërkojnë zgjidhje jashtë sistemit, janë ata që shfajësojnë Ramën?. Në fakt me këtë qëndrim ai thjeshtë tregon gjendjen e rëndë ku ndodhet ose për herë të parë në jetën e tij është i sinqertë, pasi ka kuptuar se shqiptarët nuk e pranojnë si alternative dhe qëndron në një linjë me kryeministrin.

Gjendjen e rëndë ku ndodhet Luli pasi ai e reflekton me qëndrimin e tij, që është si kryeministri në të njëjtën linjë, dhe pas refuzimit që i bënë studentët dhe shqiptarët atyre, pra Ramës si kryeministër dhe Lulit si zgjidhje. Basha e justifikoi me Arlind Qorrin apo lëvizje neo marksiste, por thelbi nuk është aty.

Shumica e shqiptarëve ishin në mbështetje të studentëve dhe e panë si uragan shprese, por kur futi kokën Luli dhe turinjtë LSI-ja askush nuk donte të afrohej më, as vetë studentët që hodhën akuza të forta ndaj dy palëve opozitare. Luli që nuk e duan dhe nuk e besojnë e kupton, por ai bën rolin dhe pret rotacion pushteti kur të ikë Rama, megjithëse mund të ndodhë që Rama të ikë (pasi ka rënë keqazi) dhe Luli mos vijë.

Basha është në pozicionin prit gomar të mbijë bar, sepse nuk duket të dijë të bëjë tjetër gjë. Ai mund të zhvillojë protestë, mund të provokojë dhe nervozojë me tej shqiptarët, të cilët janë me shumicë kundër Ramës, por duhet ta dijë se problem që kryeministri nuk bie është vetë kryetari i Republikës së Re me emrin Lulzim Basha që nuk e beson dhe nuk e merr seriozisht askush./ CNA.al





Lajmet e fundit nga