E fundit!

22:38 Aktualitet

Protestojnë prej 26 ditësh/ Qytetarët vijojnë marshimin në rrugët e Tiranës

Prej më shumë se 1 ore, protestuesit vijojnë marshimin në ...

Moti i keq/ Ministrja Xhaçka thirrje qytetarëve

9 Janar 2019, 15:47, Aktualitet CNA

Ministrja e Mbrojtjes Olta Xhaçka ka dalë në një deklaratë për mediat ku ka folur për situatën e vendit nga moti i keq dhe për masat e marra.

Xhaçka tha se në të gjithë vendin janë duke punuar 100 borëpastruese si dhe ndodhen në gatishmëri plot 2500 policë, ushtarë, mjekë e punonjës të OSHEE-së.

?Janë aktivizuar mbi 100 mjetet për pastrimin e dëborës si dhe 2500 forca të armatosura, të policisë së shtetit, punonjës të OSHEE dhe mjekë në të gjithë vendin për përballimin e kësaj situate.?-tha ajo.

Më tej ministrja u bëri thirrje firmave që kanë kontratat e pastrimit të rrugëve që të zbatojnë procesin e punës ose në të kundërt do të penalizohe.

?Ju bëj thirrje firmave kontraktore që të zbatojnë kontratën në zhbllokimi e rrugëve. Ju bëj me dije të gjitha këtyre kompanive që në çdo rast po monitorohen dhe do penalizohen nëse nuk respektojnë kontratën.?-vijoi Xhaçka.

Ndër të tjera, Olta Xhaçka u kërkoi banorëve të zonave me rrezikshmëri të lart dhe drejtuesve të automjeteve të tregohen të kujdesshëm dhe të kërkojnë ndihmë nëse e kanë të nevojshme.

?Ndërkohë drejtuesit e automjeteve duhet të respektojnë sinjalistikën në mënyrë që të evitohen aksidentet.

U bëj thirrje banorëve të zonave të prekura që të evitojnë daljet e panevojshme nga shtëpitë gjatë 48 orëve, ju që keni neovojë për asitencë drejtohuni pushteteve vendore për ndihmë.

Është detyrë kryesore e pushtetit vendor që të marr masa për parandalimin dhe dhënien e ndihmës gjatë këtyre ditëve.

Kujdesi dhe bashkëpunimi juaj do të na ndihmojnë që bashkarisht të përballojmë këto ditë të ftohta. ?-tha në deklaratën e saj Ministrja e Mbrojtjes.

Deklarata e plotë:

Që prej mesditës së djeshme, territori i vendit është përfshirë nga reshje të dendura dëbore, duke vështirësuar qarkullimin dhe duke krijuar kufizime për komunitetin në disa prej qarqeve në vendin tonë. Situata pritet të jetë e njëjtë edhe për 24 orët e ardhshme.
Aktualisht, sipas informacioneve që përditësohen minutë pas minute, qarqet më të prekura, janë: Shkodra, Kukësi, Korça, Gjirokastra, Dibra dhe Elbasani.

Akset rrugore kombëtare janë të gjitha të qarkullueshme, me përjashtim të aksit rrugor Tepelenë?Gjirokastër, i cili është përkohësisht i bllokuar në vendin e quajtur Uji i Ftohtë, si dhe njw pjese në aksin Gjirokastër-Kakavijë.

Sa i takon akseve rurale, të bllokuara janë akset në zonat e thella malore, kryesisht në qarqet Shkodër, Kukës, Korçë, Gjirokastër, Dibër dhe Elbasan.

Ministria e Mbrojtjes, përmes Drejtorisë së Përgjithshme të Emergjencave Civile si dhe Shtabi i Përgjithshëm i Forcave të Armatosura janë në kontakt të vazhdueshëm, me 5 ministritë e linjës si edhe me Autoritetin Rrugor Shqiptar; Policinë e Shtetit; me Operatorin e Shpërndarjes së Energjisë Elektrikë, Koorporatën Elektroenergjitike Shqiptare, Operatorin e Sistemit të Shpërndarjes; Institutin e Gjeoshkencave, Energjisë, Ujit dhe Mjedisit, me 12 prefektët si dhe me njësitë vetëqeverisjes vendore.

Aktualisht, në të gjitha qarqet e prekura nga dëbora, janë aktivizuar mbi njëqind mjete, qw po punojnw pwr hapjen e akseve me probleme.

Mbi dy mijë efektivë të Forcave të Armatosura, Policisë së Shtetit, punonjës të OSSHE dhe të shëndetësisë janë në gatishmëri të plotë për t?iu gjendur pranë banorëve, për çdo problem të vërejtur.

Helikopterët e Forcës Ajrore dhe ekuipazhet e tyre janë të gatshëm të ndërhyjnë nga ajri për t?iu përgjigjur të gjitha problemeve shëndetësore apo kërkesave për bazë ushqimorë, në ato fshatra, që bllokohen nga moti i keq.

Që të minimizojmë pasojat e motit të keq, i bëj thirrje firmave kontraktore, në të gjitha bashkitë, që të respektojnë kontratat për mirëmbajtje e zhbllokimin e akseve rrugore në rast të bllokimit të tyre.

Sa më korrektë të tregoheni në punën tuaj, aq më pak problem do kenë në përditshmërinë e tyre qytetarët e Shqipërisë.

U bëj me dije të gjitha atyre kompanive, që nuk respektojnë kontratat për mirëmbajtjen e rrugëve se për çdo rast po monitorohen e do tw penalizohen sipas ligjit.

Shtimi i masave të kontrollit nga Policia e Shtetit dhe disiplinimi i qarkullimit rrugor, sidomos në zonat me rrezik të shtuar, duhet të shoqërohet edhe me kufizimin dhe mbajtjen nën kontroll të qarkullimit të automjeteve me tonazh të lartë. Respektimi i sinjalistikës së nevojshme është shumë i rëndësishëm, për parandalimin e bllokimeve dhe aksidenteve të mundshme, në situata të pritshme dimërore.

Të dashur qytetarë të zonave të prekura nga reshjet e dëborës,

Siguria juaj është misioni ynë parësor. Ndaj do të kërkonim të evitonit daljet e panevojshme nga shtëpitë.
Për të gjithë ju, që keni nevojë për asistencë, duhet t?i drejtoheni ambienteve të përshtatshme të ngritura nga pushtetit vendor në raste emergjencash, të telefononi në numrat e emergjencave 126, 127, 128 dhe 129 ose tu drejtoheni shtabeve të emergjencave në qytetet tuaja.

Është detyrë kryesore e pushtetit vendor, dhe e përsëris këtë apel, ashtu sikundër kemi bërë në të gjitha komunikimet e vazhdueshme, që të marrë masa për parandalimin dhe përballimin e situatave të shkaktuara nga moti i keq, përfshirë edhe ngritjen e qendrave të posaçme për t?i ardhur në ndihmë banorëve në vështirësi.

Në ditë të tilla është shumë e rëndësishme që, edhe ju drejtues të automjeteve, të përdorni zinxhirë dhe të respektoni rregullat e qarkullimit rrugor, si dhe të zbatoni udhëzimet për qarkullimin rrugor.

Kujdesi dhe bashkëpunimi nga ana juaj dhe përgjegjshmëria e lartë nga ana e të gjitha strukturave që ligji i ngarkon, për përballimin e situatave të shkaktuara nga moti i keq, do të na ndihmojnë që bashkarisht të përballojmë këto ditë të ftohta./CNA.al