web counter
LEXO PA REKLAMA!

SHKARKO APP

App Store
Google Play

E fundit!

x

Rama si viktimë e studentëve, që e shpëton Luli dhe Mona

9 Janar 2019, 10:23, Aktualitet CNA

Në fillim të muajit dhjetor 2018, një uragan studentësh pushtoi kryeqytetin. Një ?uragan? i tillë nuk ishte parë prej gati 28 vitesh, që në ?90-ën, kur studentët rrëzuan regjimin diktatorial. Një lëvizje e cila fillimisht pati shumë shpresë, jo vetëm për faktin se gjërat do të ndryshonin në jetën universitare dhe se studentët do të kishin një qasje tjetër, por edhe në sistemin politik në Shqipëri. Pra, një furtunë e vërtetë pritej të ndodhte.

Që kryeministri Rama mori një goditje të fortë nga studentët, kjo tashmë nuk diskutohet, pasi kjo është vërtetuar edhe nga veprimet e menjëhershme që bëri Rama, si ulja e tarifave, karta e studentit apo edhe ndryshimet drastike në qeveri, megjithëse dy të parat për momentin janë thjeshtë dhe vetëm në letër dhe ende mbeten për t?u parë.

Por, protesta u venit, u pakësua ditë pas dite. Fillimisht ajo qëndroi e fortë dhe me shumë pjesëmarrje, por më pas ajo filloi të ?tkurrej?.

LSI dhe PD, Monika dhe Luli futen turinjtë në protestë. Filluan të dilnin publikisht, të flasin e të bërtasin, të marrin përsipër ta çojnë protestën tek Kryeministria. Filluan të bëjnë thirrje që qytetarët të dalin e të mbështesin studentët dhe këtu ndodhi ajo që pritej.

Studentët filluan të pakësoheshin, qytetarët nuk dolën, duke i braktisur kështu thirrjet e bëra nga Luli dhe Mona.

Kur kryeministri ishte gati i rrëzuar, me pak kujdes apo duke i lënë studentët në ?uraganin? e tyre, sot nuk do ta kishim më Edi Ramën kryeministër, por ai sot vijon detyrën.

Rama sot mban ende karrigen e kryeministrit, jo sepse studentët dështuan, por se studentët i përçanë Monika dhe Luli.

Përtej kësaj, protesta vrau veten pas daljeve politike dhe pas futjes së grupeve rinore politike brenda saj.

Dalja e Lulzim Bashës dhe e Monika Kryemadhit i trembi njerëzit, duke u bërë kështu, me dashje ose jo, si shpëtimtar të kryeministrit Rama. E nëse sot ka një shpëtimtar të tij dhe ai vazhdon të jetë në detyrë, këta janë vetëm dy përfaqësuesit e opozitës, Lulzim Basha dhe Monika Kryemadhi, të cilët nuk ngjallin shpresë dhe nuk i beson më askush. Lëvizjet qytetare kundër qeverisë fillojnë edhe i largojnë, i duan sa më larg. Ashtu si Ramën, shqiptarët nuk duan t?i shohin më me sy as Moniken dhe Lulin./ CNA.al





Lajmet e fundit nga