E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Doktor, ky pacient nuk ka shërim

9 Janar 2019, 10:33, Aktualitet CNA

Ne të CNA.al shpesh në mënyrë redaksionale apo edhe të drejtpërdrejtë i jemi drejtuar Doktor Berishës, ish-kryeministrit të vendit, për gjendjen në të cilën ndodhet PD apo situata politike në vend. I jemi drejtuar si një personalitet, i cili ka 30 vite eksperiencë dhe si një njeri që për 13 vite ka qënë në krye të shtetit shqiptar dhe pjesën tjetër në opozitë.

Por, pas largimit të tij në vitin 2013, Berisha vendosi Lulzim Bashën në krye të PD-së, dhe sa herë që Lulzim Basha ka hall apo siklet, shfaqet doktori që e mbron. Edhe në humbjen e 2015-ës, edhe në humbjen e 2017-ës, edhe në listat me përjashtimet e elitës politike të PD-së, por edhe problematikat e brendshme të PD-së e deri te Kuvendi i fundit apo dhe festa e RD-së, ku doktori si gjithmonë qëndronte në krah të Lulit.

Në fakt, me mëkatet apo pa mëkatet e tij, Sali Berisha ngelet lider historik i PD, ngelet një ikonë e kësaj partie dhe njeriu që e drejtoi e udhëhoqi atë për gati 30 vite. Edhe kur nuk ishte kryetar i PD, Sali Berisha kishte rolin kyç të saj, por sot ai ka lënë një trashëgimtar dhe ky është Lulzim Basha.

Në fakt, nëse Doktori do ta shikonte Lulin si pacient, politikisht mund t?i themi se ?ky pacient Doktor është i pashërueshëm?, dhe këtë fakt tashmë besojmë se e di edhe vetë Doktori, i cili shpesh e ka konstatuar.

Ai e di mirë që Lulzim Basha ka një ves, ai gënjen. Është një mashtrues i klasit ordiner, që besojmë se jo në pak raste e ka gënjyer edhe Doktorin. Dhe kjo sëmundje e tij është e pashërueshme. Këtë e di mirë Doktori.

Ka edhe të tjera, por kjo është kryesorja. Prandaj, edhe pse Doktori përpiqet ta shpëtojë, ?ta mjekojë? apo ta shërojë, duket se e ka të pamundur dhe tashmë dita-ditës po kuptohet se pacienti i tij Luli është i pashërueshëm dhe këtë si leksion ja dhanë edhe studentët, të cilët protestuan dhe nuk pranuan që Lulzim Bashën ta kishin në krah të tyre, apo t?i përfaqësonte ata.

Këtë pacientin tënd të pashërueshëm Doktor, të cilin ti mendon se e tremb Edi Ramën, në fakt ka një të vërtetë të madhe. Ai është kaq mashtrues dhe i paaftë sa tremb shqiptarët, të paktën kjo është e provuar. Studentët i trembi Doktor, shqiptarët i ka trembur se nuk e mbështesin dhe këtë e kemi të provuar. Që tremb Edi Ramën vështirë na duket, sepse sa të jetë Luli pacient i joti atje, aq më të gjatë do ta ketë pushtetin Edi Rama.

Ashtu edhe shqiptarë, të gjithë megjithëse ndoshta në shumicë absolute janë kundër Edi Ramës, sapo del Luli dhe flet ata tremben dhe largohen, duke e ditur se pacienti i Doktorit ka një ?sëmundje? shumë të rëndë dhe të pashërueshme, siç është mashtrimi dhe me maskën që vendos vështirë se i gënjen dot shqiptarët.

Ata e dinë se kush është Luli. Edhe pse Doktori përpiqet ta shërojë, sëmundja e tij ngelet e pashërueshme./ CNA.al

Gazetari letër publike doktor Berishës/E vërteta për Sokolin dhe Lulin që ti meriton

Gazetari letër publike Berishës/ Doktor të lutem kalo mbi trupin e Lulit

?Luli dhe Lubonja?/ Një mesazh për doktor Berishën

Një e vërtetë që sërish u fsheh nga doktori/ Berisha i turpëruar nga Basha