web counter
LEXO PA REKLAMA!

SHKARKO APP

App Store
Google Play

E fundit!

x

Shtëpia në Surrel/ PD zbulon pasurinë e çiftit kryeministror

9 Janar 2019, 11:17, Aktualitet CNA

Deputetja e Partisë Demokratike, Oriola Pampuri, në një deklaratë për mediat, ka akuzuar kryeministri Edi Rama për shtëpinë në Surrel.

Deputetja demokrate nxorri dokumentat që vërtetojnë se sa ishte pasuria e Ramës dhe gruas së tij në vitin 2011, shifra sipas së cilës nuk justifikojnë ndërtimin e shtëpisë luksoze në Surrel

?Kryeministri Edi Rama nuk ka treguar pasurinë e tij kur u ulë në karriken e kryeministrit, 300 milionë lekë, të cilat thotë që i ka deklaruar dhe me të cilat thotë se ka ndërtuar shtëpinë.

Edi Rama nuk mund të gënjejë më shqiptarët për shtëpinë në Surrel, që thotë se e ka bërë më pasurinë e gruas.

Çifti nuk ka deklaruar aq të ardhura sa të ndërtojë shtëpi me vlerë 400 mln lekë.

Partia Demokratike publikon të ardhurat e tyre, që tregon se nuk justifikon 400 mln lekë për shtëpinë në Surrel.

Në 2011 çifti kryeministror kanë deklaruar të ardhura që nuk shkojnë më shumë se 80 mln lekë.

Në 2012 deklaroi e kishte bërë  shtëpinë, e cila ka vlerë 400 milionë lekë, pasuri që nuk mund të përfitohej në aq pak.

Në 2013 ata kanë deklaruar shtim të pasurisë duke pasur në gjendje plot 93 mln lekë. Dokumentat e Ramës nuk justifikojnë vlerën 400 mln lekë të shtëpisë në Surrel.?-deklaroi Pampuri.

Në fund të deklaratë, ajo pyet kreun e qeverisë së ku i gjeti 400 milionë lekë për ndërtimin e asaj shtëpie, kur sipas saj ai dhe Linda Rama kanë deklaruar vetëm 80 milionë lekë.

?Për kryeministrin ka sot vetëm një pyetje, ku i gjeti Edi Rama 400 mln lekë për ndërtimin e shtëpisë super luksoze në Surrel, kur ai bashkë me gruan kanë deklaruar se kanë vetëm 80 milionë lekë.?-u shpreh deputetja e PD-së.

Deklarata e plotë:

Edi Rama i ka gënjyer shqiptarët për pasurinë e tij që ditën e pare, kur u ul në karrigen e kryeministrit të vendit.

Kreu i qeverisë së Shqipërisë nuk justifikon të paktën 300 milionë lekë, me të cilat thotë se ka ndërtuar shtëpinë. Kjo është një vepër që të çon në burg.

Edi Rama nuk mund t?i gënjejë dot më shqiptarët se shtëpinë në Surrel e ka bërë me kursimet e gruas.

Faktet janë e zeza mbi të bardhë në deklaratën e tij të pasurisë. Çifti kryeministror nuk ka deklaruar aq të ardhura, sa të justifikojnë ndërtimin e një shtëpie superluksoze me vlerë 400 milionë lekë.

Partia Demokratike po publikon sot dokumentet zyrtare që provojnë se të ardhurat e deklaruara të Edi Ramës dhe të të ardhurat e gruas së tij nuk kalojnë vlerën e 100 milionë lekëve dhe nuk justifikojnë dot vlerën 400 milion lekë të shtëpisë në Surrel.

Në vitin 2011, përpara nisjes së ndërtimit të shtëpisë, Edi dhe Linda Rama kanë deklaruar se, të dy bashke, zotërojnë rreth 80 milionë lekë.

Në vitin 2012, Edi Rama ndërton shtëpinë e tij në Surrel dhe, kur mori detyrën e kryeminisyrit një vit më vonë, deklaron se ka shpenzuar plot 400 milion lekë për ndërtimin e saj, pra plot 5 herë më shumë sesa kursimet që kishte gjendje çifti Rama.

Sipas deklaratës së pasurisë që vetë kanë dorëzuar në 2013-ën, rezulton se, pasi kanë deklaruar shtëpinë 400 milionë lekë, pra, pasi kanë shpenzuar kursimet e jetës, 80 milionë lekë, Edi dhe Linda Rama jo vetëm nuk kanë deklaruar borxh, por pasuria e tyre është shtuar, duke deklaruar se kanë gjendje plot 92 milion lekë.

Dokumentat zyrtarë faktojnë se të ardhurat e Edi Ramës më 2013-ën nuk e justifikojnë dot vlerën 400 milionë lekë të shtepisë superluksoze në Surrel.

Ne do t?i vëmë në dispozicion çdo gazetari deklaratat e pasurisë së Edi dhe Linda Ramës. Nëse nuk çensurohen, gazetarët dhe redaksitë e lajmeve mund të vetifikojnë vërtetësinë e pohimeve të Partisë Demokratike se Edi Rama ka gënjyer me deklaratën e pasurisë.

Për Kryeministrin e Shqipërisë ka sot vetëm një pyetje:

Ku i gjeti Edi Rama 400 milionë lekë për ndërtimin e shtëpisë superluksoze më Surrel, kur, bashkë me gruan, kishte deklaruar vetëm 80 milionë lekë kursime?

Ka ardhur koha që Edi Rama i oxhakut 18 mijë euro të pergjigjet dhe të mos fshihet më pas fustanit të gruas./CNA.al

 





Lajmet e fundit nga