web counter
LEXO PA REKLAMA!

SHKARKO APP

App Store
Google Play

E fundit!

x

Gjiknuri inspekton punimet në aksin Tiranë-Elbasan/ Një punë gjigande u mbyll

9 Janar 2019, 14:28, Aktualitet CNA

Ministri akoma në detyrë i Infrastrukturës, Damian Gjiknuri dhe Drejtori i Autoritetit Rrugor Shqiptar, Afrim Qëndro ishin sot në kantierin e rrugës Tiranë-Elbasan, në segmentin nga rrethrrotullimi i TEG drejt tunelit të Krrabës.

Gjatë fjalës së tij, Gjiknuri u shpreh se falë financimit u bë e mundur mbyllja e këtij projekti, që ishte një problem shqetësues për shumë vite.

?Sot që flasim jemi në fazën e fundit të punimeve dhe jam i bindur se publiku brenda pranverës do të ketë rrugën të përfunduar dhe të dorëzuar me të gjitha parametrat e nevojshme. Është bërë një punë e madhe vitin e kaluar, për të zgjidhur ngërçin dhe problemet juridike të trashëguara, por mbi të gjitha për të siguruar financimin shtesë për përfundimin e kësaj vepre që mori më shumë kohë se çduhet për shkaqe që i kemi thënë dhe më parë: projektimi jo i mirë, mungesa e financimeve atëherë kur duhej përpos edhe problemeve tjera të trashëguara të menaxhimit të kontratës. E rëndësishme është që rruga do të përfundojë dhe ne jemi krenar për punën që kemi bërë.?-tha ministri.

Ndërsa, drejtori i ARRSH Afrim Qëndro u shpreh se ka ngelur vetëm pak punë nga mbarimi i të gjithë projektit

?Jemi në kantierin e Rrugës së Elbasanit, në pjesën fundore të projektit. Kanë ngelur edhe 6% e të gjithë volumit të përgjithshëm të punimeve, për të përfunduar. Ka mbetur paketa e shtresave rrugore dhe ajo asfaltike bashkë me elementët e sigurisë rrugore. Pas sigurimit të financimit shtesë të muajit Shtator, ritmi i punimeve është i kënaqshëm dhe ne mendojmë se brenda grafikut të ri të punimeve kjo vepër të mbarojë që kjo pjesë e zvarritur prej shumë vitesh në ndërtim të përfundojë.?-tha Qëndro./CNA.al





Lajmet e fundit nga