Shënim/ Kur imoraliteti bën moral

9 Janar 2019, 13:32, Aktualitet CNA

Dy deputetët e Partisë Demokratike, Ervin Salianji dhe Grida Duma kanë reaguar dhe mbajtur qëndrim publik sot në lidhje me dy ngjarje të ndryshme.

Deputetja Grida Duma, ndërsa publikon një video nga një auditor bosh, është shprehur në mbështetje të studentëve, të cilët protestojnë kundër ligjit për Arsimin e Lartë.

Ndërsa deputeti Ervin Salianji ka reaguar në lidhje me skandalin e publikuar mbrëmë në emisionin ?Stop?, ku një gjykatës i kërkon një nëne favore seksuale, në këmbim të dhënies së kujdestarisë së fëmijës së saj. Deputeti në qëndrimin e tij në rrjetet sociale, dënon fenomene të tilla.

Ervin Salianji pak kohë më parë është përfshirë në një video-skandal erotik, ku është kapur duke shkëmbyer biseda perverse në sallën e parlamentit, me G.D, që në atë kohë nga disa media u identifikua si Grida Duma.

Nga ana tjetër deputetja Duma në 48 orët e fundit nuk po ndalet në qëndrimet e saj në media dhe rrjetet sociale, pas publikimit të mbiemrit të saj të vërtetë, të ndryshuar në vitin 1948. Ndërkohë, Grida Duma ka reaguar për studentët, ndërsa Salianji për video-skandalin seksual të publikuar mbrëmë në Stop.

Por, në këtë rast mund të themi se është fiks rasti kur imoraliteti bën moral.

Grida Duma dhe Ervin Salianji të dy janë produkte të UET të Henri Çilit, mbështetësit dhe sponsorit kryesor të ligjit për Arsimin e Lartë, i cili u bë shkak që studentët sot të dalin në rrugë. Salianji dhe Duma janë njerëzit që në vitin 2015, kur ligji u bë lëmsh nuk dolën kurrë hapur kundër tij dhe së bashku me Lulzim Bashën, Alfred Lelën dhe deputetin i ri Romeo Gurakuqi ishin pjesë e kastës së Çilit në mbështetje të atij ligji.

Sot, Grida Duma bën moral për Ligjin e Arsimit të Lartë, kur ai ligj është produkt i interesave klienteliste të universiteteve private me qeverinë dhe nga ana tjetër Ervin Salianji del e shpreh qëndrimin e tij për skandalin favoreve seksuale, të kërkuara nga një gjykatës, ndërkohë që është i vetmi deputet në historinë e demokracisë në parlamentin shqiptar, që është kapur në një video-skandal erotik, që shkëmben mesazhe perverse dhe gjuhë të neveritshme me G.D.-në./ CNA.al

?Godet? deputeti i video-skandalit erotik/ Ndjej neveri ndaj favoreve seksuale

Video-Grida Duma në një komunikim ndryshe/ Leksioni politik që na dhanë studentët

Ekskluzive-Video e deputetit në bisedën perverse/Shk……, pleh.., q..

Zbulohet kur u regjistrua video-skandali “Salianji-GD”

Fotot dhe teksti i plotë i bisedës së deputetit/ …vetëm më dërrmove

Ekskluzive/ CNA.al paralajmëron foto të tjera për skandalin “Salianji GD”