web counter
LEXO PA REKLAMA!

SHKARKO APP

App Store
Google Play

Deklaroi lidhjet me SOROS, mohoi ato me PS/ Gazetari thirrje kreut të KLP

9 Janar 2019, 16:58, Aktualitet CNA

Gazetari Ylli Dylgjeri ka reaguar pas deklaratave të kreut të Këshillit të Lartë të Prokurorisë, Gent Ibrahimit, pasi ky i fundit tha se nuk kishte lidhje me Partinë Socialiste.

Në një postim në rrjetet sociale, Dylgjeri paraqet një pjesë të intevistës së Gent Ibrahimit, me gazetaren Beti Njuma, të cilës i pohoi me krenari se kishte lidhje me Sorosin, ndërsa mohoi lidhjet me PS-në.

?Fillojeni mbarë – i nderuar Kryetar!”, e nis postimin Ylli Dylgjeri duke vijuar:

“Ndoqa përgjigjen që Kreu i Këshillit të lartë te Prokuroris?, Gent Ibrahimi, i bëri pyetjes së gazetares Beti Njuma:

Pyetje: Ju kanë cilësuar si jurist që keni punuar me Sorosin edhe pse nuk është herezi, por edhe për lidhje të ngushta me PS?

Pergjigje: Jam krenar që punoj me Sorosin, – thatë Ju.

-Ajo e para është e vërtetë, e dyta jo-mohuat Ju.

Dakort, them dhe Unë, por të dyja janë të vërteta zoti Ibrahimi.?-shprehet Dylgjeri.

I cili më tej, e pyet kreun e KLP-së se përse e nis që në fillim me gjysmë krenari, kur, sipas tij, Gent Ibrahimit, i biri i Nesip Ibrahimit, ish-funksionarit të lartë të PPSH-së, ka vazhduar me krenari  lidhjen me këtë parti, pasi është martuar  me motrën e Mimi Kodhelit.

?Pse e nisni qysh në fillim me gjysëm krenari zoti Kryetar?

Krenaria e Juaj është më e hershme, qysh në ngjizje. Ju jeni djali i zotit Nesip Ibrahimi, ish funksionar i lartë i PPSH-se. PS nuk e ka mohuar trashëgiminë me PPSH-në. Biles, Ju e keni vazhduar krenarinë deri në lidhje krushqie. Zonja Mimi Kodheli është motra e gruas Tuaj.?-vijon Ylli Dylgjeri.

Në fund të postimit ai i kërkon kreut të KLP-së që ta fillojë mbarë detyrën, pasi, sipas  tij, vettingu i Ibrahimit është bërë shumë sipërfaqësor.

Fillojeni mbarë i nderuar Kryetar i Këshillit të Lartë të Prokurorisë. Ky rreth deklarimit Juaj janë vetëm kushërinjtë e parë. Vettingu, për të tjerë hyn edhe më thellë, në fis e në farë. Ndaj Jini krenar, optimist, dhe transparent për të qëndruar gjatë në këtë detyrë.

Suksese në karierë zoti Ibrahimi.?-mbyll shkrimin e tij Dylgjeri./CNA.al





Lajmet e fundit nga